Santiago de Compostela, 7 de Xuño 2021. Galiza está inmersa nun segundo boom de depredación eólica no que o Goberno do PP se coloca a favor do lobby eléctrico e en contra da cidadanía, mentres sube a factura da luz, subida que en Galiza é especialmente “aberrante” por ser produtora de electricidade. Neste contexto, indicou a portavoz nacional, Ana Pontón, o BNG leva o asunto ao pleno do Parlamento, tras a masiva manifestación a favor dun modelo sustentable a favor do País.
“Feixóo ten que aclarar de que lado está, se dos que defenden os intereses de Galiza, das PEMES, das familias ou se vai seguir abrazado ao lobby enerxético, facendo de comercial de Iberdrola, de Naturgy e doutras multinacionais eléctricas colocando os recursos do País ao seu servizo”, salientou a líder nacionalista, ante un presidente da Xunta, “que actúa como o principal valedor do espolio enerxético do País”.
Un papel que Feixóo exerce, recalcou, desde o minuto cero da súa chegada á Presidencia, con decisións inmediatas como a de suprimir a participación pública voluntaria como criterio na adxudicación de novos parques eólicos ou a aprobación en tempo record dunha nova lei “que lle deu patente de corso ás eléctricas para aproveitarse dos recursos naturais sen máis contrapartidas que unhas migallas” en forma de canón eólico.
A modo de exemplo de até que punto este canón representa unha contía ínfima sobre os beneficios eólicos, Pontón citou como exemplo o Parque eólico de Ourol da empresa Greenalia, na que encontrou acomodo a ex conselleira de medio ambiente Beatriz Mato “a través das portas xiratorias”. Cun beneficio bruto estimado de 2,1 M€ nesa explotación, o canón estimado é de 11.500 €, un 0,55%: “migallas para o público tras elaborar unha normativa á medida das eléctricas que responden recolocando a ex cargos do PP”, sintetizou Pontón.
Urxe mudar este modelo de espolio no que Galiza asume os custes ambientais, sociais e económicos mentres que os beneficios emigran, e nin sequera se traduce en postos de traballo como se empeña en difundir a propaganda do lobby eléctrico.
“O consello de Muras con 381 aeroxeneradores, o de máis muíños de toda Galiza, e dous postos de traballo fixos. O único beneficio real foi o decretado polo goberno municipal do BNG abaratando o prezo da luz aos seus veciños e veciñas”, explicou.
Pontón vai aproveitar a sesión de control para pedirlle a Feixóo que rectifique un modelo “depredador” dos recursos eólicos do País, que só utiliza Galiza como subministradora de materias primas a favor de multinacionais”.
“Eólicos si, pero cun modelo sustentable, que respecte á poboación do rural e que utilice a enerxía que se obtén para desenvolver riqueza e emprego aquí, reclamando que temos dereito a pagar un prezo máis barato pola luz, a través dunha tarifa eléctrica galega, precisamente para compensar os custes sociais e ambientais de xear electricidade. E tamén imos solicitar que se reduza do 21% ao 4% o prezo da electricidade, porque non se trata dun produto de luxo senón dun ben de primeira necesidade”, concluíu.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
