Xermade, 8 de xuño de 2021. O Grupo Municipal do PP de Xermade vén de rexistrar un rogo a través do que lle propoñen ao goberno local que o Concello desenvolva medidas para promover a rehabilitación de vivendas no municipio dirixidas a residencia habitual -tanto en propiedade como en réxime de alugueiro- como medida de apoio ao asentamento da poboación en Xermade. “Un informe do Banco de España sinalou a Xermade entre un dos 17 concellos da provincia en risco de despoboamento. Xermade ano tras ano perde poboación e non podemos sentirnos satisfeitos”, segundo sinala o portavoz, Antonio Riveira, que cre que “os Concellos poden actuar a través de determinadas medidas coma a dotación de servizos básicos para procurar reverter a perda de poboación”.
Os populares propoñen, con ese obxectivo, que o Concello actúe de diferentes formas: asesorando aos veciños; establecendo bonificacións para as obras de rehabilitación e ofrecendo incentivos ao alugueiro de vivenda en Xermade. Así mesmo, cren que o goberno local debe tramitar ante a Xunta Áreas de Rehabilitación Integral en zonas rurais e acelerar a aprobación do PXOM como mecanismos de apoio aos veciños interesados en rehabilitar as súas vivendas ou construír unhas novas na zona rural.
A proposta do PP de Xermade recolle que “o Concello facilite información aos interesados e asesore sobre o procedemento de tramitación de axudas autonómicas e, incluso, promova unha liña de axudas complementaria ás que convoca anualmente a Xunta en materia de rehabilitación, eficiencia enerxética, cubertas, fiestras, melloras en seguridade e accesibilidade, e incluso para adecentar as edificacións auxiliares ás vivendas e corrección de impactos paisaxísticos”.
O voceiro do PP local, Antonio Riveira, sinala tamén que “o Concello debe bonificar a taxa sobre as licenzas de obra para mellorar as vivendas habituais, establecendo o compromiso de mantela durante un período de tempo” e para iso “é necesario modificar a ordenanza municipal reguladora que inclúa este requisito”.
Mecanismos de apoio á rehabilitación e novas construcións no rural
O popular defende tamén que “o Concello debe promover e tramitar ante a Xunta Áreas de Rehabilitación Integral en zonas rurais, para determinados núcleos ou dunha forma máis xeneralizada, porque poden supoñer importantes axudas para os propietarios”, explica.
Riveira urxe, así mesmo, a “acelerar a aprobación definitiva do PXOM co obxectivo de facilitar as actuacións e novas construcións en núcleo rural e en solo rústico vinculadas ás explotacións agrogandeiras”.
Incentivos ao alugueiro
A propostas dos populares inclúe o establecemento de “incentivos por parte do Concello para o alugueiro de vivenda” e que “o Concello promova a adecuación en condicións de habitabilidade das vivendas en desuso para poñelas a disposición das familias que poidan estar interesadas en residir no noso concello”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
