CERVO .- O alcalde de Cervo, Alfonso Villares, valorou positivamente a visita desta mañá ao concello do presidente da Xunta de Galicia, Alberto Núñez Feijoó, na que comprobou en primeira persoa os efectos das choivas e se interesou polos traballos que se están desenvolvendo co obxecto de restablecer a normalidade nos distintos puntos afectados do termo municipal.
O rexedor cervesne tivo a oportunidade de explicarlle ao presidente os estragos ocasionados polo temporal da semana pasada e agradeceulle a colaboración prestada “dende o primeiro día” polo Goberno galego “para atallar de xeito coordinado e eficaz” todas as emerxencias xurdidas “dende a noite do mércores da semana pasada ata hoxe”.
Obras de envergadura
Alfonso Villares indicou que despois de atender ás emerxencias xurdidas nos momentos máis complicados, os traballadores municipais e o persoal de apoio da Xunta destinado a Cervo adicouse a realizar labores de limpeza e arranxos provisionais para restablecer os servizos básicos do municipio “e agora estamos xa noutra fase, que é a de ir acometendo obras de reposición de certa importancia” indicou. Neste sentido sinalou que unha destas primeiras actuacións é a construción dunha escollera na rúa do Muíño de Cervo, “obra que visitamos co presidente da Xunta e co conselleiro de Medio Ambiente e que nos vai permitir solventar o problema das enchentes nesta zona e asegurará a estabilidade desta rúa, que discorre paralela ao leito do río Xunco” asegurou.
Para o rexedor cervense o anuncio feito polo presidente da Xunta sobre a aprobación mañá dun paquete de medidas por parte do Goberno galego para paliar os danos causados polas inundacións “é algo que estabamos seguros que se ía a producir, porque dende o primeiro momento os responsables da Xunta foron conscientes da magnitude desta catástrofe e este anuncio non fai máis que refrendar en boca do propio xefe do executivo galego a implicación que está a ter a Xunta coa nosa comarca nestes momentos”.
Por último, Villares confiou en que a xestión da Xunta en promover un mecanismo de de coordinación e entre a Administración do Estado, a Administración Local e o Goberno galego co obxecto de paliar os danos causados polas chuvias se poda materializar canto antes “porque nestes momentos é imprescindible que tódalas administracións remen na mesma dirección para conseguir a reparación das infraestruturas municipais e para artellar liñas de axudas aos veciños que nos permitan recobrar a normalidade no menor tempo posible” indicou.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
