Lugo, 11 de xullo de 2021. O grupo provincial do PP mantivo unha reunión coa presidenta provincial do partido, a deputada autonómica Elena Candia, no marco dos seus frecuentes e periódicos encontros para avaliar a situación política en Lugo e analizar as mellores iniciativas para a provincia. Candia expresou o total respaldo do partido ao deputados provinciais; puxo en valor a unidade e a firme determinación da organización de recuperar o goberno da Deputación.
Pola súa parte, o portavoz provincial dos populares, Javier Castiñeira, sinalou ao fío da reunión: “Preocupados pola inacción da Deputación de Lugo e pola parálise que vemos no goberno provincial, incapaz de liderar a reactivación económica da provincia, o grupo do PP reuniuse coa presidenta do partido, Elena Candia, para tratar de analizar máis propostas de interese para Lugo”. Explicou: “O PP fai todo o posible por participar na saída desta crise. Así o fixo xa no momento máis complicado da crise sanitaria, mentres o goberno da Deputación chegaba tarde practicamente a todo; non artellou axudas para a recuperación económica do tecido produtivo lucense, algo que desde o grupo popular intentamos reiteradamente, en numerosas ocasións”.
No transcurso da reunión, os populares constataron con preocupación que no goberno provincial “non hai capacidade para xestionar fondos Next Generation de reactivación e resiliencia”. Destacaron que “a Deputación, tamén nisto, vai moi por detrás do resto de administracións, tanto da autonómica, que leva moitos meses traballando eficazmente, como doutras deputacións que teñen avanzados diferentes planes”.
Castiñeira dixo: “O Partido Popular reafírmase na súa postura. Seguiremos promovendo iniciativas para que a provincia de Lugo non se quede atrás, porque o goberno da Deputación pouco, ou nada, está a facer neste sentido e segue na liña de que sexan as outras administracións as que tiren pola provincia, e iso non chega. A Deputación debe liderar e a día de hoxe iso non pasa”.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
