Burela, 23 de xullo de 2021. O Concello de Burela está a executar de forma subsidiaria labores de roce de fincas ou parcelas que non foron adecentadas polos seus propietarios. O alcalde, Alfredo Llano, cualifica de irresponsables e incívicas esas condutas que poderán ser obxecto de sancións de ata 6.000 euros.
O rexedor explicou que “esta administración local xa está executando de forma subsidiaria as labores de roce das fincas ou parcelas situadas no noso termo municipal, e todo elo a costa das persoas propietarias que non cumpriron coas súas obrigas de mantemento, conservación e limpeza. Deste xeito, logo da tramitación do preceptivo procedemento administrativo, o Concello de Burela está rozando aquelas fincas ou parcelas que, irresponsablemente, as súas persoas propietarias non rozan, nin limpan, a pesares de ser sistematicamente instadas polo Concello para que o fagan voluntariamente”.
Llano dixo que “como non podía ser doutro xeito, unha vez executados ditos traballos, procederase a liquidar o custe dos mesmos ás persoas propietarias incumpridoras e, consecuentemente, procederase ao seu cobro, e todo elo sen prexuízo de que se proceda a iniciar o correspondente procedemento sancionador e, de resultar procedente, se sancione dita incívica conduta cunha multa que podería ascender ata 6000 euros”.
Alfredo Llano lémbralles “a todas as persoas propietarias que non dan cumprimento ás súas obrigas de mantemento, conservación e limpeza das súas fincas ou parcelas, que a súa irresponsabilidade xera un grave problema medioambiental, de salubridade e mesmo de risco de incendio, que afecta a toda a nosa veciñanza, e que o Concello de Burela, ante ditas condutas, actuará utilizando todos os medios que a normativa lle atribúe para a defensa do interese xeral do noso pobo”.
O alcalde tamén tivo palabras de agradecemento para as persoas que manteñen as súas fincas en perfectas condicións: “agradecerlles tamén a todas aquelas persoas propietarias –que son a grande maioría-, a súa responsabilidade para coas súas obrigas e o seu civismo á hora de manter as súas fincas ou parcelas privadas en debidas condicións. Sen dúbida, este último é o exemplo de conduta cidadá a seguir se queremos ter un medio ambiente sostible, uns espazos urbanos e rurais limpos e saudables, e un pobo atractivo e cun alto grado de calidade de vida tanto para súa veciñanza, como para as persoas que nos visitan acotío”.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
