Ribadeo, 27 de xullo de 2021. O Concello licita o amaño integral de varios camiños das parroquias da vila e do interior. O investimento ascende a 212.000 euros. O prazo de execución será de 2 meses e as empresas interesadas en presentar as súas ofertas teñen toda a documentación na Plataforma de Contratos do Sector Público, segundo deu a coñecer o concelleiro de Obras no día de hoxe.
Marcos Villamil dixo que “xunto cos traballos de rebacheos que estamos levando a cabo nestes días en moitos dos camiños municipais do noso concello, queremos dar un novo impulso importante á mellora da rede viaria municipal. Así, estamos licitando nestes días o amaño integral de varios camiños das parroquias de vila e das parroquias do interior. En total serán uns 212.454 euros de diñeiro público dun programa que levamos a cabo conxuntamente o Concello e mais a Deputación de Lugo”.
O edil ribadense sinalou que “neste caso, e como noutras veces, tivemos en conta as opinións das diferentes asociacións de veciños das parroquias para ir dando prioridade aos camiños que elas nos suxiren, sabedores de que non se pode nun ano acometer a mellora de todos e cada un dos camiños. Este sistema estámolo levando adiante desde hai tempo, con notable éxito, e confiamos que de seguir así, en poucos anos, teremos os camiños principais das nosas parroquias nun estado aceptable”.
Villamil explicou que “agora, o que pretendemos executar é a mellora dos firmes con aglomerado asfáltico en quente, previa limpeza das gabias. Logo do aglomerado botaráselle zahorra aos corredores laterais para garantir mais anchura e mais seguridade. Tamén se procederá a sinalizar tanto horizontal como verticalmente”.
O concelleiro de Obras engadiu: “o prazo de execución destes traballos será de dous meses e as empresas interesadas en participar nesta licitación teñen toda a documentación na Plataforma de Contratos do Sector Público, xa que esta licitación, como as últimas que estamos a facer é por procedementos de contratación electrónico”.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
