Ribadeo, 4 de agosto de 2021. Foi inaugurada no Forte de San Damián a exposición La madre que nos parió/A nai que nos pariu, que pode visitarse ata o 29 de agosto. Trátase dunha mostra de 60 fotos de Nacho Samper e Nacho Carballo sobre a situación das mulleres en Senegal e sobre a labor que está a realizar alí a ONG Ser Madre Ser mujer. O colectivo loita por reducir a mortalidade materna e neonatal frecuente nese país.
A concelleira de Cultura, Pilar Otero, explicou que “esta exposición é unha iniciativa da ONG Ser Madre Ser Mujer, que recolle o traballo das súas fundadoras: Nerea Roldán, Ana Ramos e Raquel Pérez, que desde hai máis de seis anos, xunto Co equipo da ONG, conseguen que mulleres e nenas do Senegal reduzan riscos obstétricos e xinecológicos, facendo fronte así á precariedade sanitaria do país africano. A exposición, a través das fotografías de Nacho Samper e Nacho Carballo, dá testemuño non só da situación das mulleres en Senegal senón tamén do labor cotián da ONG na súa loita por reducir a mortalidade materna e neonatal frecuente no país”.
A edil ribadense contou que “a ONG Ser Madre Ser Mujer dedica o seu labor a aumentar a calidade de vida das mulleres e nenas cun enfoque prioritario na prevención e na formación universitaria do persoal sanitario a través de técnicas innovadoras. Ten por obxectivo, asemade, a educación sexual e reprodutiva das nenas e mulleres, como parte integrante dos seus dereitos, en escolas, maternidades e hospitais. Máis de 15 maternidades introduciron xa os métodos de traballo da ONG, unhas 2000 mulleres foron atendidas cos seus programas de saúde na rexión de Thiès e Casamance e máis de 100 matronas serán formadas no vindeiro ano universitario 2021-2022. Ser Madre Ser Mujer é a única ONG no mundo que realiza un tratamento integral de todas as disfunciónspélvico-xenitais, sexan provocadas pormutilaciónxenital, complicacións no parto, violación, abuso sexual, cirurxía, ou calquera outra causa e realiza tanto tratamentos de reeducación uro-xinecolóxica como cirurxía reparadora”.
Otero Cabarcos seguiu a relatar que “a rehabilitación e acondicionamento de instalacións para o parto e o reforzamento do sistemas de urxencia en Senegal é, así mesmo, parte esencial do traballo da ONG. Grazas a el e con fondos da ONG rehabilitouse a maternidade de KeurMoussa para atender a 50 partos ao mes de mulleres da rexión. Un logro sen igual nunha zona tan difícil. A ONG, que continuará o seu traballo no Senegal, iniciou xa a súa extensión a outros países como Togo e Gambia coa contribución da Fundación Jesús Serra (Grupo Catalana Occidente), e moi pronto se vai lanzar ao mesmo cometido en Cabo Verde. En todos estes países as necesidades sanitarias e de formación son inxentes”.
Pilar Otero indicou que “a exposición vai dirixida ao público en xeral e quere amosar desde unha perspectiva de xénero e infantil a situación da muller no Senegal, as secuelas xinecolóxicas que conleva a precariedade sanitaria e as secuelas psíquicas e físicas que carrexan prácticas tan aberrantes como a mutilación xenital feminina”.
E engadiu: “coa colaboración do Concello de Ribadeo poderán verse na exposición máis de 60 fotografías que queren espertar conciencias e devolver un sopro de esperanza a aquelas persoas que confían nun mundo máis xusto e solidario. A mostra poderá visitarse no Forte de San Damián do 4 ao 29 de agosto en horario de 12 a 14 horas polas mañás e de 17 a 21 horas polas tardes”.
Pilar Otero agarda que “todas as persoas que visitan Ribadeo e todos os ribadenses poidan pasar polo forte para desfrutar deste lugar tan emblemático que temos en Ribadeo e, sobre todo, para ver esta magnífica exposición, que seguro que non os vai deixar impasibles”.
Ao acto de inauguración, que tivo lugar na tarde de onte, asistiron os concelleiros de Cultura, Medio Ambiente e Medio Rural, Pilar Otero, Mónica Freire e Jorge Díaz.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
