Nota de Prensa
O alcalde de Xove: un privilexiado en tempos de crise
Desde o BNG de Xove advertiron onte que, tras a última modificación de crédito de máis de 400.000 euros realizada polo goberno municipal, non estaban tan descamiñados cando cualificaron o Orzamento 2010 de “decepcionante” aló polo mes de febreiro. Unha vez máis, o tempo deulles a razón. Se algo bo tivo a crítica constructiva do Bloque é que agora sábese que cartos si que había, o que non había era “nin ideas nin disposición”.
Do mesmo xeito, desde o BNG advertiron que non é certo que o alcalde invitara ao responsábel local do BNG para informalo dos problemas de Xove. Marco López, que representa á formación política máis activa e dinámica das que conforman a corporación xovense, aínda non foi convocado a unha reunión seria e formal pola persoa que, no seu día, expresou a frase tópica de que a súa intención era gobernar para todos. López, que leva máis dun ano á fronte do BNG xovense, non recibiu invitación ningunha en todo este tempo, algo inaudito en calquera relación política democrática, e máis tendo en conta que en Xove o PP goberna en minoría. O máximo cargo orgánico do BNG local manifestou que a súa postura é de total colaboración para sacar adiante o Concello e que, de ter responsabilidades de xestión pública, a súa actitude sería xusto a contraria: “a de conversar con todas as forzas sociais, sexan da cor que sexan, para poder dinamizar a nosa sociedade nestes tempos de fonda crise económica”.
Asemade, o Partido Popular de Xove acusou o BNG de ir aos plenos “de vacacións”, pero esta gran mentira non pode agochar o bo traballo que o Bloque está a desenvolver sen que ninguén desta formación cobre 2.800 € ao mes por esa labor (en referencia aos emolumentos que percibe o primeiro edil), nin haxa dedicacións exclusivas abusivas a cargo do erario público no seo da formación nacionalista. Sobre este punto, desde o Bloque quixeron salientar que o goberno do PP no Concello de Xove (nun municipio de apenas 3.600 habitantes) ten dúas dedicacións exclusivas e unha parcial. É dicir, o 60% dos concelleiros do Partido Popular cobra un salario público con cargo ás arcas locais. Os nacionalistas pregúntanse onde está aquí a tan pregoada austeridade da que fachendean os populares e advirten que a falsa propaganda non é máis ca outra maneira de mentir.
Tamén se lembrou desde as fileiras nacionalistas que as persoas que conforman o actual goberno local son as mesmas que hai tres anos denunciaban que o anterior alcalde, Xesús López (AVEXO), cobraba moito e non facía nada. Pois ben, o pasado mes de maio, Demetrio Salgueiro (PP) sumoulle ao seu exuberante soldo de 2.800 euros mensuais outros 717,89 euros máis. Un novo exemplo da austeridade cacarexada polo goberno de Feijóo.
En tempos dunha crise que na Mariña non está facendo máis que empezar, cando todos os traballadores e traballadoras teñen que apertar o cinto, o alcalde de Xove non renuncia nin a medio céntimo dun salario que sae dos petos de todos os contribuíntes, tal e como se documenta de seguido e se pode consultar no enderezo web http://www.xove.es/js/index.php?option=com_phocadownload&view=category&id=2:xunta-de-goberno-local&Itemid=204
ACTA DA SESIÓN EXTRAORDINARIA CELEBRADA POLA XUNTA DE
GOBERNO LOCAL O DÍA 25 DE MAIO DE 2010.
Asistentes:
Alcalde-Presidente:
D. José Demetrio Salgueiro Rapa
Vocais:
D. José Manuel González Álvarez
Dª Ana María Abad López
Dª Mª Dolores Meitín Guerreiro
Secretario:
D. Luís Mª Fernández del Olmo
Interventora:
Dª Elena Santos Rey
Na Casa Consistorial do Concello de Xove, sendo as dez horas do día vinte cinco de maio de dous mil dez, baixo a presidencia do Sr. Alcalde, D. José Demetrio Salgueiro Rapa, coa asistencia dos Sres. concelleiros á marxe relacionados, do Secretario, D. Luís María Fernández del Olmo e da Interventora Dª Elena Santos Rey, procedeuse a celebrar a sesión extraordinaria correspondente a este día, previa convocatoria ó efecto e en primeira convocatoria.
Sendo a hora sinalada, polo Sr. Alcalde declarouse aberta a sesión.
…
C.)CONTAS E FACTURAS
C.1) AXUDAS DE CUSTO DA ALCALDÍA CORRESPONDENTES ÓS MESES DE ABRIL-MAIO 2010.
Por tres votos a favor e coa abstención do interesado, procédese á aprobación das axudas de custo da Alcaldía, correspondentes ós meses de abril e maio de 2010, por importe de 717,89€.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
