Santiago de Compostela, 27 de Setembro 2021. O BNG lanza unha campaña de denuncia da estafa legalizada da luz na que pon o foco na conivencia entre o Goberno do PP e o lobby eléctrico, simbolizado na imaxe do presidente da Xunta fundido nun abrazo co presidente de Iberdrola, Ignacio Galán, e con lema “Hai apertas que venden un País, Feixóo cómplice das eléctricas”. Iberdrola, unha das grandes multinacionais do sector, obtivo uns beneficios de 3.610 M€ en 2021.
“Este abrazo explica por que Feixóo permite o espolio dos recursos do País; por que permite atentados ambientais como o baleirado dos encoros para que ás eléctricas se sigan forrando; explica un boom eólico depredador e tamén explica por que vota en contra dunha tarifa eléctrica galega para abaratar a factura da luz ás familias e ás empresas, como existe noutras zonas produtoras”, argumentaba a portavoz nacional, Ana Pontón, desde A Coruña onde se lanzou a campaña.
Cunha tarifa desbocada, -hoxe o MWh é un 606% máis alto que fai un ano-, a líder nacionalista pregunta se é democrático que “un puñado multinacionais” fixen o prezo dun ben público básico, poñendo en risco a recuperación económica e miles de empregos.
“As eléctricas mandan máis cos gobernos, teñen unha normativa feita a súa medida e teñen en nómina a ex-presidentes e a ex-ministros e ministras do PP e do PSOE a través das portas xiratorias”, denuncia Pontón. Para a líder do Bloque, a estafa da luz é especialmente grave en Galiza porque, sendo produtora de electricidade, soporta os custes ambientais e sociais pero sen recibir ningún beneficio.
Por iso, destaca, o BNG non deixará de dar a batalla para que a riqueza eléctrica repercuta en beneficio das familias, da clase traballadora e das empresas para crear emprego, de aí esta campaña de denuncia e mobilización que da continuidade á recollida de sinaturas por todo, co mesmo obxectivo de denuncia da estafa e a favor de medidas que abaraten a factura.
Medidas como a tarifa eléctrica galega, como a creación dunha empresa pública de enerxía que asuma as concesións hidroeléctricas a medida que vaian caducando, ou que a instalación de novos parques eólicos se vincule a proxectos industriais que xeren emprego. Ao contrario do que pasa, que en pleno boom eólico se pechen empresas vinculadas precisamente ao sector e á instalación de parques como foi o caso de Siemens-Gamesa ou agora a ameaza sobre VESTAS.
“Basta xa de abrazos coas eléctricas, basta xa de vender Galiza, basta xa de poñer a nosa riqueza ao servizo das multinacionais, cando debe servir para o desenvolvemento do País”, concluíu.
A “anomalía” de xubilarse antes dos 75
A líder do Bloque tamén fixo referencia á proposta anunciada polo Goberno central de aumentar até os 75 anos a idade de xubilación, alegando que é necesario cambiar unha situación de suposta “anomalía” dentro da UE.
“Pediría que antes de lazar propostas neoliberais, máis propias do Banco de España e da CEO que dun auto-proclamado goberno de progreso, se den un paseo por Galiza con máis de 200.000 mozos e mozas na emigración porque o Goberno de Feixóo non lles ofrece unha oportunidade de traballo digno no seu País, cunha taxa de actividade entre a xente moza e cunhas pensións por debaixo da media do Estado”, alegou.
Subliñou, ademais, que esa sangría migratoria de xente moza agudiza o problema demográfico estrutural, “é o futuro de Galiza non pode construírse sen a súa xente moza”, recalcou. “O que precisamos é xerar emprego e evitar que a xente moza emigre, o que precisamos é que as novas xeracións traballen o que suporá un reforzo no sistema público de pensións. Xa está ben de que os sucesivos gobernos do Estado se poñan a copiar as receitas do Banco de España e da COE”, salientou.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
