Mondoñedo, 28 de setembro de 2021. O Grupo Socialista de Mondoñedo interesouse na pasada sesión plenaria celebrada o pasado venres 24 de setembro, polas vivendas de promoción pública no Barrio Muíños, o proxecto de obra para a implantación dunha sala de fisioterapia no centro de saúde e as previsións para a celebración das festas das San Lucas.
Nesta mesma sesión plenaria aprobouse, cos votos do PP e o PSOE, o convenio de cesión por parte do Bispado ao Concello de Mondoñedo, para ceder estancias do palacio Episcopal co fin de ampliar o Museo da Catedral. “Este proxecto está incluído no Plan Nacional Xacobeo 2021-2022 que impulsa o Ministerio de Industria, Comercio e Turismo a través do fondos Next Generation, e contan cun investimento de 3,5 millóns de euros na cidade de Mondoñedo”.
Executase a través da partida para proxectos sostibles de mantemento e rehabilitación do patrimonio histórico, ao que se destinaran máis de 65 millóns euros para intervir en ata 61 inmobles de titularidade pública para convertelos en sostibles. “Estamos convencidos que este investimento de 3.5 millóns de euros contribuirá significativamente a mellorar o noso patrimonio, e agradecemos o compromiso do Goberno de Pedro Sánchez na nosa cidade”, remarcan os socialistas.
O Grupo Socialista tamén interpelou ao goberno local sobre as vivendas de promoción pública dos Muíños. “O pasado 30 de xuño publicouse o listado dos novos beneficiarios das dúas vivendas de promoción pública no Barrio Muíños, situadas nos números 26 e 28, pero tres meses despois seguen sen estar ocupadas. Dende o Goberno Local informáronnos que haberá un novo sorteo para adxudicalas, que será o terceiro sorteo desde o inicio deste proceso”.
Sala de fisioterapia
No que se refire aos prazos para que comece a funcionar a sala de fisioterapia no centro de saúde de Mondoñedo. Hai que lembrar que a Conselleira de Sanidade anunciou no mes de decembro de 2020 a adxudicación do contrato do proxecto de obra para a implantación desta sala en Mondoñedo. “9 meses despois deste anuncio preguntamos no pleno, e segundo avanzaron falta aprobar o proxecto, outorgar a correspondente licencia e realizar a obra. Polo tanto estará rematada previsiblemente antes de que remate o ano”, explican.
As San Lucas
Mondoñedo celebrará novamente unha nova edición das Feiras das San Lucas no vindeiro mes de outubro, e interpelamos ao Goberno Local para coñecer as previsións sobre esta cita tan importante para Galicia. “Esperemos que o Concello siga impulsando e implicándose neste feira, unha das máis antigas de Europa e tamén unha das nosas sinais de identidade, e que poida celebrarse con tódalas medidas sanitarias necesarias”, sinalan os socialistas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
