Burela, 28 de setembro de 2021. No de Concello de Burela terá lugar un pleno ordinario este xoves, 30 de setembro, ás 20:00 horas. Na sesión, que será presencial pero tamén poderá seguirse vía streeming, someterase a aprobación definitiva a conta xeral de 2020, tras concluír o período de alegacións. O alcalde, Alfredo Llano, dixo que non foi presentada ningunha e subliñou a fluidez económica do Concello burelés. Tamén irá a pleno unha moción de apoio aos traballadores de Vestas, en Viveiro, tal e como acordaron os alcaldes no encontro que mantiveron o pasado venres.
Alfredo Llano anunciou que “a este pleno vai ir a aprobación definitiva da conta xeral, que xa foi informada e debatida na mesa xeral de economía no Concello. Houbo un prazo de alegacións e non se presentou ningunha, polo tanto estamos en condicións de aprobala definitivamente neste pleno”.
O alcalde burelés destacou que “a conta xeral do Concello de Burela concreta unha serie de especificacións durante o ano 2020 con respecto á economía deste Concello. Aí figura todo o que fixo tanto en pagos como en cobros e na recepción de axudas. Hai que destacar a fluidez económica e vese claramente o remanente de tesourería que temos. Así que espero que non haxa ningún problema para aprobar este punto como outro que levamos relativo a temas laborais internos do Concello”.
O rexedor contou que “imos levar unha moción conxunta, que espero que os tres grupos aprobemos sen ningunha dificultade, sobre Vestas, a factoría de Viveiro que queren pechar a 31 de decembro deixando sen traballo a unhas 115 persoas. Xa tivemos o outro día unha reunión de todos os alcaldes, xunto co comité de empresa, en Viveiro, e acordamos presentar por unanimidade esta iniciativa en todos os concellos, cando teñamos un pleno, para lembrar que non estamos para nada de acordo con que se peche esta factoría, e ademais que se atendan, tanto desde a Xunta de Galicia como desde o goberno de España, as reclamacións que se poidan facer a partir de agora para que siga aí. Penso que é unha obriga para os traballadores e para toda a comarca da Mariña”.
Alfredo Llano dixo que “onte houbo unha reunión entre a Xunta e os traballadores onde se constitúe unha comisión que vai estudar oportunidades para que non se vaia esta factoría. Penso que nesta comisión deben estar representados todos os alcaldes, ou polo menos cando se traten temas que correspondan aos plans de industrialización para a comarca para poder presentar aquilo nos parece moito mellor para cada un dos concellos e sobre todo para A Mariña. Creo que polo menos o Concello de Viveiro ten que estar e o resto penso que tamén debemos estar dalgunha maneira nesa comisión, porque aínda que está a Xunta e queren integrar a representantes do goberno, debéramos estar os alcaldes como persoas que temos que estar mirando polos intereses da nosa comarca. Así que eu fago esa reclamación porque me parece importante que os concellos estean representados”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
