Viveiro, 6 de outubro de 2021. O Concello de Viveiro informa aos seus veciños e veciñas da convocatoria das subvencións destinadas a compensar de forma directa ás comunidades de propietarios polos costes derivados da recepción ou acceso aos servizos de comunicación audiovisual nas edificacións afectadas pola liberación do segundo dividendo dixital (TDT2).
Estas subvencións poden ser solicitadas polas comunidades de propietarios, 1 subvención por cada comunidade, ata o 31 de outubro de 2021. As axudas refírense ás adaptacións realizadas naqueles edificios antes do 31 de decembro de 2020 polos instaladores de telecomunicacións inscritos na base de datos da Secretaría de Estado de Telecomunicacións e Infraestruturas dixitais.
A información sobre estas axudas está dispoñible na seguinte ligazón: https://www.boe.es/diario_boe/txt.php?id=BOE-B-2021-39022 As persoas interesadas tamén poden dirixirse á Xefatura Provincial de Inspección de Telecomunicacións de Lugo no teléfono 982265231.
O formulario para solicitar estas subvencións está dispoñible nesta ligazón, para realizala cómpre dispoñer dun certificado dixital ou número cl@ve: https://sede.red.gob.es/es/procedimientos/segunda-convocatoria-del-plan-de-subvenciones-asociadas-al-segundo-dividendo-0
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
