Santiago de Compostela, 6 de Outubro 2021. A portavoz nacional, Ana Pontón, aproveitou a súa visita a CONXEMAR para trasladar o apoio do BNG á demanda do sector de aplicar un IVE mínimo do 4% ao peixe. Tal é así, explicou, que o Bloque ven de conseguir o apoio do Parlamento a unha proposición non de lei na que se insta á Xunta a reclamar ante o Goberno central a aplicación do IVE súper reducido aos produtos do mar.
“Galiza é unha nación pesqueira polo que esa medida sería moi beneficiosa tanto desde o punto de vista dunha alimentación saudable como tamén desde o punto de vista económico dun sector que é clave para o País pola súa capacidade de xerar riqueza e emprego directo”, salientou Pontón desde o IFEVI, onde fixo un percorrido pola feira acompañada polos organizadores.
A líder do Bloque afondou na súa argumentación a favor desta medida, alegando que é máis necesaria ca nunca neste momento de crise, “pola caída dos ingresos en moitas familias”, o que dificulta o acceso a un produto que é “esencial” nunha alimentación equilibrada. Neste sentido, o BNG defende un IVE súper reducido para o peixe, “porque axudaría a mellorar a alimentación dos sectores máis vulnerables e da poboación en xeral, e axudaría a recuperar un sector que tamén está moi afectado pola crise”, alegou.
No países europeos do entorno, hai moitos exemplos de IVE ao peixe inferior ao que se aplica en Galiza, como é o caso de Alemaña, Francia, Bélxica, Portugal e Inglaterra, que non aplica este imposto ao pescado.
Unha das leccións que deixa a pandemia é a importancia de producir alimentos de calidade, que teñan garantías na súa trazabilidade. Esa calidade é unha garantía para a saúde da poboación e os produtos do mar son parte esencial da dieta atlántica e dunha alimentación saudable.
A líder do Bloque trasladou os seus parabéns aos organizadores de CONXEMAR, certame de referencia con 21 anos de celebración, escaparate e punto de encontro dun sector que aglutina a máis dun cento de empresas galegas e xera miles de postos de traballo directos, “unha lonxevidade acorde coa fortaleza do sector do conxelado de produtos do mar para Galiza, con empresas referentes tanto dentro como fora das nosas fronteiras”, concluíu Pontón.
Na visita guiada da man dos responsables da feira, a líder do Bloque puido coñecer as últimas novidades e innovacións do sector nun percorrido polos stands no que tamén participou a portavoz en Bruxelas, Ana Miranda; e as deputadas por Vigo Carmela González e Alexandra Fernández.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
