NOTA DE PRENSA
Tanto o Presidente da Xunta, como a Conselleira de Sanidade en distintas declaracións públicas e incluso unha resposta oficial por escrito da Xunta, tal e como eles pedían, véñen a garantir a independencia e total capacidade de xestión da área sanitaria da Mariña e pese a iso o colectivo non da marcha atrás
O PP DA MARIÑA LAMENTA QUE A PLATAFORMA SANITARIA NON DESCONVOQUE A MANIFESTACIÓN PESE A QUE PERDERON TODO SENTIDO AS SÚAS REIVINDICACIÓNS
* Os populares están convencidos que a persistencia da plataforma pola protesta pese aos chamamentos reiterados ao diálogo evidencian “que estamos ante unha manifestación política, disfrazada co argumento da sanidade, se fai contra o Partido Popular e solo porque o Partido Popular hoxe está no Goberno”
* Os populares negan unha vez máis todos e cada un dos argumentos que mantén a plataforma: nin desaparecerá o hospital, nin haberá traslados a Lugo para consultar con especialistas, nin se perderá ningún servizo, e preguntan onde estaban estes colectivos os pasados catro anos cando se falseaban as listas de espera, as obras do hospital non se realizaban e se colapsaban incluso os centros de saúde para pedir receitas.
A Mariña, 25 de xuño de 2010.- O Partido Popular da Mariña lamenta que a plataforma sanitaria non desconvoque a manifestación prevista para o día de mañá pese a que perderon todo sentido as súas reivindicacións e polo tanto, a manifestación non ten obxecto nin xustificación. Desde o PP lembran que tanto o Presidente da Xunta de Galicia, Alberto Núñez Feijóo, como a Conselleira de Sanidade, Pilar Farjas, en reiteradas ocasións, teñen realizado declaracións públicas nas que veñen a garantir a independencia e total capacidade de xestión da área sanitaria da Mariña “en Burela e desde Burela”. Incluso o propio Partido Popular, respondendo a unha petición da plataforma, solicitou e remitiu con posterioridade unha resposta oficial da Xunta de Galicia na que se ofrecen totais garantías, por escrito, destes compromisos.
Xa que nada parece valer para que este colectivo dea marcha atrás, e tendo en conta a persistencia da plataforma pola protesta pese ao chamamento ao diálogo efectuado no día onte, os populares sinalan que estes feitos afianzan o seu convencemento de que estamos ante unha manifestación “disfrazada co argumento da sanidade, pero que en verdade se fai contra o Partido Popular, e porque o PP goberna na Xunta”
RESPECTO CRÍTICO
Os populares insisten en que, como non podería ser doutro xeito, respectan a aquelas persoas e colectivos que teñen anunciado a súa asistencia á manifestación, pero de ningún xeito poden compartir os seus argumentos, xa que todos e cada un deles son falsos ou responden a manipulacións sen fundamento da realidade. De xeito especial desde o PP insisten en que nin desaparecerá o hospital, nin haberá que trasladarse a Lugo para consultar cos especialistas, nin se perderá ningún servizo. “Desde a plataforma están a mentir, e temos que dicilo así de claro, porque non hai outra cualificación para describir os argumentos que están a empregar”- sinalan con contundencia desde o PP.
DESAPARECIDOS DURANTE OS CATRO ANOS DE BIPARTITO
Segundo os populares cada vez son máis os veciños da comarca que se achegan ata os distintos responsables municipais e autonómicos desta formación política para transmitir o seu apoio conscientes desta estratexia interesada de confusión que está a desenvolver a plataforma nun ámbito tan serio como é o da sanidade. Moitos deles se están a facer a mesma pregunta que calquera pode efectuar á luz do que está a suceder, isto é ¿onde estaban estes colectivos os pasados catro anos de Goberno bipartito cando non só se falseaban as listas de espera, senón que as obras do hospital non se realizaban? –hoxe xa comezou a de a reforma da área de maternidade-, ¿onde estaba a plataforma sanitaria cando a mala xestión da Xunta de PSOE e BNG incluso se materializaba no colapso dos centros de saúde, incluso para pedir receitas?.
Para os populares está máis claro que nunca que unha vez que perderon a responsablidade de Goberno na Xunta, socialistas e nacionalistas decidiron reactivar as plataformas de protesta contra o PP, e que un exemplo desta estratexia o estamos a ver en materia de sanidade. Insisten ademais en que, malia que poden existir persoas ou colectivos que desde a boa fe poidan estar confusos ou enganados pola plataforma sanitaria, o núcleo fundamental desta está instrumentalizado por PSOE e BNG e polos seus sindicatos e organizacións afíns. “Este é un feito constatado e constatable, porque moitos dos colectivos que se veñen de adherir á plataforma ou son directamente concellos gobernados por estas formacións políticas ou comités de persoal de empresas controlados por sindicatos próximos ao socialismo e ao nacionalismo”. Sen restar valor a liberdade para manifestarse destes colectivos si insisten na politización evidente dunha protesta que perdeu todo sentido, porque nin a Xunta nunca fará nada en contra do hospital, nin hai interese algún en prexudicar a sanidade da Mariña.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
