Viveiro, 15 de outubro, 2021. Como alcaldesa do Concello de Viveiro, quero manifestar públicamente o meu apoio e o do conxunto do grupo de goberno á manifestación convocada este domingo, día 17 de outubro, polos sindicatos UXT, CCOO e CIG, en defensa dun futuro industrial para a comarca da Mariña.
Son xa moitos anos de reivindicacións e protestas a nivel comarcal sen que as demandas dos traballadores e traballadoras, é dicir, dos nosos veciños e veciñas, obteñan respostas e feitos por parte das administracións con competencias en materia de industria.
O recente anuncio de Vestas da súa intención de pechar a súa fábrica de Viveiro únese á ausencia de solucións para Alcoa en San Cibrao. Falamos nos dous casos de plantas eficientes, rentables e con persoal cualificado, con varias empresas ademais interesadas en darlle continuidade á actividade no caso de Alcoa.
Non son os únicos casos de peches ou recortes nos últimos anos, mentres A Mariña repite de forma continua a necesidade de mellorar as súas comunicacións, porque todos e todas somos moi conscientes de que unhas boas infraestruturas de transporte son imprescindibles para o asentamento de novos proxectos empresariais.
A Mariña pide pero non obtén resultados. Esta comarca necesita un plan de reindustrialización serio e con pasos concretos que non chega, unha mesa de traballo con todos os axentes implicados e unha presenza activa do Goberno central e a Xunta de Galicia.
Temos que atopar solucións cando unha empresa decide marchar da Mariña, pero tamén darlle facilidades ás que deciden apostar por nós, por asentarse nalgúns dos nosos concellos.
Por outra parte, todas as administracións estamos á espera dos fondos europeos ‘Next Generation’, que a UE puxo a disposición do Estado para afrontar a crise xerada pola COVID.
Como alcaldesa de Viveiro, espero e desexo que sexan unha oportunidade de mellora e crecemento para os municipios, tanto dende o punto de vista de mellora das infraestruturas, como de oportunidade para a xeración de emprego dende o sector privado.
Falamos dunha oportunidade que non podemos deixar pasar. 140.000 millóns de euros que teñen que xogar, si ou si, un papel fundamental na recuperación económica e a xeración de emprego da nosa comarca.
A Mariña sae de novo á rúa este domingo para pedir solucións, porque non podemos permitir que as cousas non cambien. Polos nosos traballadores e traballadoras, e polos mozos e mozas que queren atopar un futuro laboral e persoal na nosa comarca.
Agardamos por todas e todos vos o domingo.
María Loureiro García
Alcadesa de Viveiro
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
