Lugo, 18 de outubro de 2021. O Presidente da Deputación, José Tomé Roca, participou este luns na inauguración do curso académico 2021/2022 do centro asociado da UNED en Lugo, un acto ao que asistiron tamén a vicerreitora primeira da UNED, Rosa María Martín, a Alcaldesa de Lugo, Lara Méndez, a directora da sede universitaria lucense, Ana Belén Traseira, e a exalcaldesa de Madrid e ex maxistrada, Manuela Carmena, quen foi a encargada de impartir a lección inaugural O pracer de estudar.
José Tomé deulle a benvida á comunidade universitaria da UNED en Lugo, ó profesorado e ós alumnos e alumnas; tanto a aqueles que continúan o seu proceso formativo, como os que chegan por primeira vez ás aulas. “Un novo curso representa sempre un novo reto, un novo paso cara o futuro, especialmente nun ano coma este no que, afortunadamente, estamos recuperando, dentro da prudencia, a normalidade académica que se viu afectada pola pandemia”, indicou.
“Como presidente da Xunta Reitora deste Centro Asociado á UNED en Lugo, como Presidente de la Deputación e, sobre todo, como docente que nunca esquece a súa vocación, supón unha satisfacción comprobar como medra e como mellora este proxecto de educación superior. Un proxecto que conta cunha oferta diferenciada que ano tras ano atrae a máis persoas, a máis alumnos e alumnas que elixen la UNED para iniciar, para complementar o para ampliar a súa formación”, indica.
Sinais de identidade, reforzadas na pandemia
En relación á pandemia, Tomé Roca puxo de manifesto que “os sinais de identidade da UNED, como son a calidade, a flexibilidade e a formación a distancia, víronse reforzadas durante este tempo de pandemia. Todos e todas tivemos que adaptarnos, en maior ou menor medida, ás normas da non presencialidade, pero a UNED tiña xa os deberes feitos”.
“Xunto coa calidade educativa, a UNED fomenta en Lugo iniciativas transversais, que a dotan dun carácter diferenciado, como as que impulsa en torno á igualdade, ou as que teñen que ver co medio ambiente e o desenvolvemento sostible”, subliñou José Tomé. Precisamente, subliñou algunhas das recentes distincións que se lle fixeron ao centro por este motivo, como os proxectos Planeta ODS 2.0 e Foz 2030.
O mandatario provincial reivindicou unha UNED que achega “un gran valor á provincia de Lugo”. “En primeiro lugar, porque reforza o noso carácter de cidade e de provincia universitaria, envorcada co ensino superior e co I+D+i. Ademais, achega valor porque a formación da UNED axuda a converter o talento nun factor de desenvolvemento individual e colectivo da provincia de Lugo”, resaltou.
Subliñou, ademais, que se trata dunha formación que se desenvolve dende os principios da calidade e da universalidade, que son os que definen o modelo do ensino público en España: “O noso país, a nosa provincia, conta cun excelente modelo de universidade pública. Un modelo que favorece a igualdade de oportunidades e que garante o compromiso co desenvolvemento da sociedade e do territorio a través da transferencia do coñecemento. Un modelo que non precisa outro estímulo que ver asegurada a suficiencia presupuestaria que lle permita seguir impulsando as súas tarefas e os seus obxectivos”.
A Deputación de Lugo apoia firmemente este modelo, subliñou o Presidente, cunha importante colaboración coa UNED, tanto económica, como tamén de instalacións, pois, lembrou, foi a institución provincial a que fixo posible a creación da sede da UNED en Lugo, deixando de ser a única capital de provincia en Galicia que non contaba cun centro propio.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
