Burela, 22 de outubro de 2021. O Concello de Burela ven de instalar sete equipos de medición na rede de abastecemento de auga que permitirán localizar avarías ou posibles fugas en pouco tempo. O investimento ascende a 40.000 euros, dos que o 75% proceden da Xunta de Galicia e o resto do Concello burelés. O alcalde, Alfredo Llano, e o concelleiro de Obras, Ramiro Fernández Rey, subliñan a importancia destes traballos para o control do consumo no municipio.
O edil de Obras declarou que “desde a Delegación de Obras queremos anunciar que durante estes días esperamos acabar unha obra que consideramos moi importante polas consecuencias que vai ter para toda a veciñanza e para consumo de auga particularmente aquí en Burela. É desas obras que non se ven, que parece que non están pero evidentemente fan unha función importantísima e estamos moi contentos de que esta obra saíra adiante”.
Ramiro Fernández explicou que “esta obra supuxo unha inversión de 40.000 euros dos que foi subvencionado o 75% polo Fondo de Compensación Ambiental da Xunta de Galicia, mediante unha subvención, e o Concello tivo que poñer practicamente 10.000 euros. A obra consiste en colocar sete equipos de medición co que imos conseguir que eses equipos que son intelixentes dan en tempo real os consumos que pasan por eles en cada momento. Así poderemos localizar calquera posible avaría ou fuga na rede nun tempo moito menor do que o estabamos conseguindo ata agora”.
O conselleiro burelés subliñou que “a rede de Burela é moi eficiente, unha das máis eficientes de Galicia, pero penso que con este paso e localizando as avarías e as posibles fugas con moita máis antelación imos conseguir que o rendemento de augas sexa moito mellor.
Colocáronse os sete equipos sectorizando todas as zonas de Burela, desde Vilar e Pomeda ata a zona do Cantiño, e ademais tamén metemos un contador xeral na entrada de Burela, na auga que nos ven desde A Senra, para ter un maior control da auga que realmente estamos consumindo e evitar pagar por unha posible fuga que houbera entre A Senra e a entrada de auga en Burela, unha cousa que non sería en principio responsabilidade do servizo de augas de Burela, para ter controlada ese tipo de situacións que xa non é a primeira vez que se dá”.
Fernández Rey engadiu que “é unha obra que non se ve, pero que é importantísima e que tal e como está o tema medioambiental no tema da auga que parece que é un ben inesgotable, pero que cada vez vemos que hai máis falta de auga en todo o mundo, aquí con este tipo de obras imos conseguir unha eficiencia moitísimo mellor e evitar que se tire auga en fugas que antes tardabamos días, incluso semanas, en detectar. Agora poderá facerse con moita máis rapidez porque estes contadores que van por zonas van detectar rapidamente cando haxa unha variación de consumo en calquera das zonas que están medidas. É unha obra da que estamos contentos e agradecemos que nos deran esta subvención para facela”.
O alcalde de Burela, Alfredo Llano, dixo: “é un tema importantísimo para o presente xa pero para o futuro aínda máis de ter controlado o consumo da auga que vai ser un recurso moi demandado, moi necesario e non vai ser tremendamente abundante, polo tanto hai que pensar en facer cousas xa agora para o futuro, telas planificadas, telas organizadas e telas en conta a ver que vai suceder. Agora mesmo, xa pensando incluso na coherencia ou no propósito que ten o Concello de Burela, que non é outro que acadar os obxectivos marcados pola ONU con respecto ao 2030 que estamos metidos como Concello polo clima e pola enerxía, entón estamos traballando tamén nestes temas como é o da xestión integral da auga, onde imos ter a oportunidade de sinalizar aqueles puntos onde poida haber fugas ou consumo excesivo.
Penso que será algo interesante, moi práctico e que traerá como consecuencia unha mellora substancial neste servizo de auga”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
