Npta de Prensa
Os populares salientan que se trata da principal infraestrutura de benestar da Mariña lucense xa que terá capacidade para 150 prazas de residentes en pensión completa e 50 prazas máis no centro de día
A COMISIÓN DE SANIDADE DO PARLAMENTO DEBATIRÁ MAÑÁ UNHA PREGUNTA DO DEPUTADO DO PPDEG JOSE MANUEL BALSEIRO SOBRE AS PREVISIÓNS DA XUNTA PARA A APERTURA DA RESIDENCIA DE PERSOAS MAIORES DE COVAS (VIVEIRO)
* Os populares salientan que se trata da principal infraestrutura de benestar da Mariña lucense xa que terá capacidade para 150 prazas de residentes en pensión completa e 50 prazas máis no centro de día.
* Durante meses o Goberno municipal bloqueou os trámites previos á apertura do centro, alegando a necesidade de garantir unha condicións se cumprían dende o primeiro momento: que o 100% das prazas foran sostidas con fondos públicos e os criterios de selección de persoal seguiran baremos públicos.
Santiago, 29 de xuño de 2010.- A orde do día da Comisión de Sanidade e Política Social do Parlamento de Galicia prevista para mañá mércores 30 de xuño de 2010, a partir das 9.00 horas, inclúe unha iniciativa do deputado popular Jose Manuel Balseiro Orol na que se interesa sobre as previsións da Xunta de Galicia para a apertura da residencia de persoas maiores de Covas, no concello lucense de Viveiro.
A Consellería de Traballo e Benestar vén de promover a construción dunha residencia de persoas maiores que se configurará como a principal infraestrutura de benestar da Mariña lucense xa que terá capacidade para 150 residentes en pensión completa e 50 prazas máis no centro de día. Ademais do servizo social que ofertará esta nova residencia, está previsto que a súa apertura contribúa a xerar entre 70 e 100 postos de traballo directos. O montante global do orzamento mobilizado estará entorno a 7,8 millóns de euros.
ATRANCOS DO GOBERNO MUNICIPAL
Rematadas as obras de construción e superado o bloqueo imposto polo Goberno municipal de Viveiro que ata finais do mes de maio non presentou a proposta da alcaldía ao Pleno ratificando as condicións de cesión do solar onde está situada esta residencia a favor da Sociedade Galega de Servizos Sociais (SOGASERSO), cómpre agora coñecer as previsións que manexa a Xunta respecto da entrada en servizo do centro.
CONDICIÓNS QUE SE CUMPRIAN DENDE O INICIO
Balseiro lembra que tal e como recoñece o convenio entre o Concello de Viveiro e SOGASERSO –a sociedade titular da residencia participada polas caixas de aforros galegas- as condicións das que facía depender a Alcaldía a ratificación definitiva na cesión dos terreos se cumprían desde un principio: A Xunta sempre mantivo que o 100% das prazas serías sostidas con fondos públicos, non só en Viveiro senón tamén no resto das residencias de próxima apertura (Monforte e Vimianzo), e ademais (cita literal do convenio) “ambas partes consideran que os criterios de selección para a contratación de postos de traballo que emprega habitualmente SOGASERSO cumpren o obxectivo de transparencia que esixe o Concello”.
En consecuencia a única conclusión é que “o Alcalde socialista de Viveiro non fixou outra cousa que atrasar durante meses os trámites previos á apertura definitiva da residencia, razón que terá que explicar aos seus veciños e aos potenciais beneficiarios deste centro, aos que privou durante un tempo do seu disfrute”-conclúe Balseiro Orol
Coa nova residencia de Covas (Viveiro) acádase un avance na prestación de servizos de atención ás persoas maiores da zona da Mariña, ao tempo que se dá un paso máis na creación dunha auténtica rede de servizos sociais sostidos ao 100% con fondos públicos.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
