O curso pertence ao apartado de formación do proxecto teatral Buxiganga, que pon en marcha a Área de Cultura da Deputación de Lugo. A instancia pódese descargar directamente da web, últimos días, ou ben recoller a instancia na Área de Cultura da Deputación de Lugo. O prezo deste curso é de 40 euros, tendo un custe reducido para os actores participantes nos circuítos de Buxiganga 2010. O curso divídese en tres apartados, cadanseu impartido por casa docente. Paloma Lugilde encargarase primeiramente do Corpo e da voz, ferramentas moi importantes para os actores. Posteriormente os alumnos adentraranse no mundo da Comedia da Arte, a través de Alberte Cabarcos. Finalmente os alumnos terán un módulo de Interpretación impartido por Ester Pedrouzo, no cal os alumnos coñecerán diversas técnicas interpretativas como a técnica de Stanislavski ou Meyerhold entre outras. O curso celebrarase os días 3, 10, 17, 24 e 31 do mes de xullo e os días 4, 11, 18 e 25 do mes de setembro en horario de 9:00 a 14:00 horas.
O 3 de xullo iníciase o curso Técnicas Interpretativas no auditorio da Casa da Cultura de Burela
Relacionado
-
Academia A Mariña acollerá o vindeiro martes, 17 de xuño, unha sesión informativa sobre o novo marco de colaboración entre empresas e entidades de formación no ámbito galego
-
O Club Deportivo San Ciprián, coa colaboración do Concello de Cervo, organiza unhas xornadas gratuítas de iniciación e diversión co volei
-
Cariño acollerá este sábado, 14 de xuño, un festival que combinará zumba e patinaxe artística nunha xornada lúdica e deportiva especialmente pensada para as familias e os máis pequenos da casa
Tiña 68 anos. Este mércores ao mediodía, a Corporación Municipal xunto con membros da Corporación do Concello do Valadouro e compañeiros de partido, traballadores do Concello e veciñas e veciños realizaron un acto na memoria do tamén Primeiro Tenente de Alcaldesa do Concello de Alfoz. Efigenia Maseda pronunciou unhas palabras e gardouse un minuto de silencio. O acto rematou con aplausos en recordo de Jorge Val
O Concello de Xove, coa colaboración do IES Illa de Sarón, organizou esta proxección sobre a mobilización contra o proxecto de construción dunha central nuclear no municipio nos anos setenta. Tivo lugar este luns 10 de xaneiro no Salón de Actos. Ademais do alumnado e profesorado do IES de Xove, tamén asistiu público interesado neste episodio.
Fíxoo cunha exhibición de ximansia rítmica e de patinaxe artística que tivo lugar no pavillón do CEIP de Cervo e que contou coa participación da alcaldesa, Dolores García Caramés, e do edil de Deportes, David Rodríguez, que fixeron entrega dos diplomas e dun detalle a cada unhas das crianzas que asistiron neste curso ás escolas que tamen contaron con outras disciplinas como voleibol, multideporte ou balonmán.
Será ás 20 horas. Ricardo Aller de Dios é un artista visual cuxa obra se desenvolve entre a fluidez da acuarela e a solidez da cerámica. A súa práctica explora a relación entre o efémero e o permanente, a cor como ferramenta emocional e a conexión entre os elementos naturais e a forma humana. A través da acuarela, investiga a transparencia, a mancha e o azar como linguaxes expresivas, mentres que na cerámica atopa un espazo de construción pausada, táctil e meditativa, en diálogo coa terra e o lume. A exposición poderá visitarse ata o 14 de Xullo.
