Santiago, 9 de novembro de 2021. O Parlamento de Galicia aprobou hoxe por unanimidade a proposición non de lei do Grupo Popular a través da que se demanda ao Goberno central a activar con urxencia as medidas pendentes en favor da industria electrointensiva para garantir a súa viabilidade presente e futura, así como proceder á intervención pública da factoría de Alcoa en San Cibrao, inicialmente de forma transitoria a través da SEPI, coa fin de asegurar o emprego e a actividade industrial, e facilitar a súa posterior venda a un inversor privado que garanta un proxecto industrial viable.
A viceportavoz popular, Elena Candia, manifestou que “a industria electrointensiva, onde a enerxía supón un 60 por cento dos custos da produción, é unha das máis afectadas polo incremento da luz que estamos a sufrir froito dunha política enerxética resultado de decisións improvisadas e equivocadas do Goberno central”.
IMPORTANCIA DO SECTOR ELECTROINTENSIVO
Ademais, salientou a importancia do sector electrointensivo na economía de Galicia, xa que representa un 5,7 por cento do valor engadido bruto e case a metade do sector industrial galego, xerando milleiros de emprego.
A proposición non de lei aprobada hoxe demanda ao Goberno central incrementar o orzamento ata os 450 millóns de euros destinado ás subvencións relativas ao mecanismo de compensación de custos de emisións indirectas de gases de efecto invernadoiro; activar o fondo español de reserva para garantías de entidades electrointensivas para a cobertura dos riscos derivados de operacións de compravenda a medio e longo prazo de subministración de enerxía eléctrica; a convocatoria de modo inmediato das poxas de electricidade de orixe renovable; e establecer mecanismos de xestión da demanda que permitan ofrecer flexibilidade ao sistema eléctrico e que sirva para reducir o custo eléctrico final.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
