Ribadeo, 16 de novembro de 2021. A Banda Municipal de Música de Ribadeo ofrecerá o seu tradicional concerto de Santa Cilla este sábado, 20 de novembro, ás 20:30 horas no auditorio municipal Hernán Naval. Nesta actuación a Banda tocará por primeira vez oito das nove pezas incluídas no programa e participarán tres solistas.
O director da formación, David Ballester Martínez, anunciou que “despois dun breve descanso, tras actuar nas festas patronais, a Banda Municipal de Música de Ribadeo retoma a súa actividade e, como non podía ser menos, faino co concerto de Santa Cilla, a patroa dos músicos. Este sábado, 20 de novembro, ás 20:30 horas no auditorio Hernán Naval terá lugar ese concerto e, como soemos facer en Santa Cilla, sempre nos gusta que algún dos nosos músicos pase pola experiencia de tocar de solista. Neste caso vamos ter tres: un pianista, que vai ser o alumno da Escola de Música e Danza de Ribadeo Andrés Manuel Bermúdez García, ademais da frautista Carmén Cortés Moreda e o trompetista Ángel Muíña López”.
David Ballester tamén destacou: “de todas pezas que imos ofrecer só unha delas foi tocada xa pola Banda e as 8 restantes interpretarémolas por primeira vez. O repertorio, como fixemos neste concerto nos últimos anos, será un pouco temático, nesta ocasión dedicado á música clásica; vamos interpretar pezas de Beethoven, de Puccini e de Stravinsky, que algunhas son de sinfonías, outras de óperas ou ballets, con arranxos para banda”.
Para rematar o director da Banda ribadense lembrou que “fai falta usar mascarilla e manter distancia social neste tipo de eventos, e a entrada será de balde ata completar o aforo”. E convidou “á toda a xente que o sábado estea por Ribadeo a que se achegue ao auditorio Hernán Naval”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.