A Mariña, 16 de novembro de 2021. A oitava andaina de outono de A Mariña en Ruta será este sábado, 20 de novembro, polo Viveiro industrial e as lendas.
Esta iniciativa da Mancomunidade de Concellos da Mariña discorrerá esta fin de semana polo Viveiro industrial e as súas lendas. Os asistentes estarán acompañados por Noela Feal, guía oficial de Galicia. Para esta ruta e para a andaina pola paisaxe cultural de Portocelo, en Xove, que terá lugar o 27 de novembro e que será guiada polo arqueólogo David Fernández, aínda quedan prazas libres. A Mariña en Ruta concluirá o 4 de decembro por terras do Vicedo da man do arqueólogo Fran Canosa. Para esta última ruta as prazas están esgotadas.
As persoas interesadas en gozar de A Mariña en Ruta poden atopar información e facer a reserva de prazas en https://amarinalucense.gal/es/a-marina-en-ruta e para calquera consulta poden contactar a través da seguinte dirección de correo electrónico: enruta@amarinalucense.gal e do teléfono +34 690 61 47 49.
O pasado sábado, 13 de novembro, un total de 15 persoas participaron no roteiro do Camiño de Santiago do Norte entre Lourenzá e Mondoñedo, dentro de A Mariña en Ruta. Nun percorrido de case 4 horas e 9 quilómetros de lonxitude, Claudia del Pino foi a guía encargada de conducir este itinerario que comezou na Praza do Conde Santo co seu impresionante Mosteiro de San Salvador para logo rematar na Praza da Catedral, da histórica cidade de Mondoñedo. Esta antiga senda regalou aos participantes diversos compoñentes que forman a rica e diversa paisaxe da zona: pequenas aldeas vivas, espazos de cultivo forestal, zonas agrícolas, hortas con produtos de tempada, gando e un bosque autóctono outonal, arroupando o camiño cos seus ocres e amarelos.
Remataron as Xornadas de Portas Abertas das Rutas de Artesanía
Tamén a pasada fin de semana tiveron lugar as últimas actividades programadas pola Mancomunidade dentro das III Xornadas de Portas Abertas das Rutas de Artesanía que comezaban a fin de semana do 29 ao 31 de outubro na Pontenova, Mondoñedo e Viveiro e do 12 ao 14 de novembro pasaron por Burela, Cervo e Foz.
O 12 de novembro as devanditas xornadas recalaron en Burela, coa visita ao Barco Museo Reina del Carmen e á asociación de redeiras Cabo Burela. O sábado foi a quenda de Cervo, coa visita ao Museo Provincial do Mar e ao estaleiro de carpintería de ribeira da man do artesán local Francisco Fra. E o domingo remataban estas terceiras xornadas cunha visita á Basílica de San Martiño de Mondoñedo, en Foz, e ao Espazo Caritel da man do artista plástico e artesán Daniel Caxigueiro.
O presidente da Mancomunidade de Concellos da Mariña, Fran Cajoto, subliña que “ao igual que a primeira fin de semana as actividades tiveron unha moi bo acollida entre o público participante, completándose todas as prazas de 2 das 3 xornadas con público procedente da propia comarca, pero tamén doutros puntos das provincias de Lugo e da Coruña. Nesta ocasión a iniciativa foi destinada aos profesionais do turismo, da hostalería e do comercio da comarca, das axencias de viaxes e dos centros educativos de Galicia así coma ao público e xeral”.
Ambos proxectos están organizadas pola Mancomunidade de Concellos da Mariña Lucense ao abeiro do convenio asinado coa Axencia de Turismo de Galicia e co apoio da Deputación Provincial de Lugo para a súa promoción.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
