Burela, 23 de novembro de 2021. O pavillón Vista Alegre de Burela estreou novo vídeo marcador. O concelleiro de Deportes, Ramiro Fernández, agradece a subvención concedida pola Secretaría Xeral para o Deporte e o traballo realizado por Manuel Otero, xefe provincial de Deportes. O edil asegura que con este vídeo marcador e a nova iluminación esta instalación dá un salto de calidade. O equipo de goberno xa traballa no cambio de pista, que prevé realizar para o vindeiro ano 2022.
Ramiro Fernández Rey dixo que “esta fin de semana tivemos a posibilidade de estrear novo vídeo marcador no pavillón Vista Alegre. É un vídeo marcador de última xeración que nos dá múltiples opcións para levar tanto os tanteos como as faltas e todo aquilo relativo co xogo dos diferentes deportes”.
O concelleiro burelés subliñou que “temos que agradecerlle neste caso á Secretaría Xeral para o Deporte, que nos concedeu unha subvención do 80% do prezo do marcador que ascendía a 25.803,71 euros, a Secretaría Xeral para o Deportes subvencionounos con 20.000 euros e os 5.803,71 restantes foron a cargo do Concello de Burela. Quero agradecer esta axuda e especialmente ao xefe de Deportes de Lugo, Manolo Otero Cadramón, unha persoa que sempre ten esa atención con Burela e cando xurdiu a posibilidade deste marcador, que se puxo en varios pavillóns da provincia, contou con Burela, penso que obxectivamente pola transcendencia que ten sobre todo o fútbol sala aquí. Repito que quero agradecer a Manolo Cadramón ese xesto que tivo con nosoutros, desde logo a colaboración tanto persoal neste caso como institucional está sendo boa e creo que é lóxico e merecido recoñecerlle a Manolo este xesto que tivo con Burela”.
O edil comentou que “estreamos o novo vídeo marcador este fin de semana, o sábado co partido do Burela FS e o domingo tivemos un campionato de baloncesto. Viñeron xogar aquí as seleccións tanto cadete como infantil feminina e masculina das federacións galega e asturiana, que servía para a preparación do campionato de España”.
E engadiu: “quero agradecer neste caso ao Club Baloncesto Burela a gran organización que tivo para levar a cabo este campionato durante toda a xornada do domingo. Tamén aproveitamos para que o alcalde, Alfredo Llano, lles dera un recordo á federación asturiana e á federación galega e desde Burela prestámonos a acoller todos aqueles campionatos que vexan conveniente poder celebrar, porque ofrecemos tanto as instalacións como o apoio tanto ao Club Baloncesto Burela como ás distintas federacións para que poidan celebrar aquí campionatos. O domingo houbo moita xente en Burela derivada deste campionato e penso que é bo tanto a nivel deportivo como a nivel económico pois a hostalería sae beneficiada de todos estes acontecementos deportivos. Creo que agora mesmo o pavillón Vista Alegre é moi axeitado para facer este tipo de competicións e con este marcador dámoslle un salto de calidade ás instalacións, e seguiremos a traballar para seguir mellorándoas”.
Fernández Rey anunciou que “estamos traballando para facer un cambio de pista no pavillón Vista Alegre que esperemos poidamos facelo ao longo do ano que ven, temos un presuposto destinado para iso e xa estamos traballando para realizar o proxecto para facer ese cambio de pista. Como dicimos sempre o deporte para nós é moi importante, tanto para min persoalmente como para o alcalde, e demostrámolo con feitos. Seguimos investindo nas instalacións mellorándoas para que se poida practicar deporte da mellor maneira posible. Agora mesmo, con este marcador e co cambio de iluminación que fixemos no pavillón Vista Alegre, o salto de calidade é importante e seguiremos traballando de cara ao futuro en mellorar as instalacións”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
