Cervo, 10 de decembro de 2021. O Concello de Cervo ven de adquirir os terreos e a edificación situados na rúa do faro, na Atalaia.
Esa edificación ergueuse no ano 1978, cun total de 4 plantas e un soto, co obxectivo de albergar vivendas, e desde entón nunca estivo habitado.
Na actualidade eses terreos, que teñen unha superficie construída de 2.171 m2, están afectados pola zona de protección do xacemento arqueolóxico Castro de Atalaia de San Cibrao.
O Concello xa iniciara con anterioridade os trámites administrativos necesarios para alcanzar, con este inmoble, o obxectivo de eliminar todas aquelas estruturas inacabadas desde hai un tempo, destacando a aprobación do Plan Especial de Protección do Xacemento da Atalaia. Con respecto a este edificio, conseguiuse chegar a un acordo cos propietarios, despois dunha negociación complexa, posto que eran varios os donos dos terreos, que permitiu axilizar o proceso notablemente. Finalmente a adquisición dos terreos que conteñen a edificación efectuouse por un importe de 40.000€.
Desde o Concello executan esta operación coa finalidade de poñer en valor o xacemento arqueolóxico da zona e a súa contorna, reorganizando os accesos e percorridos, ademais de ampliar a área pública para facer labores de divulgación dos valores antropolóxicos e culturais.
O rexedor Alfonso Villares destacou “a axilidade no proceso de adquisición dos terreos, e do propio edificio, grazas ao acordo de negociación que levamos a cabo xunto cos propietarios, posto que, de non ser así, os trámites poderían alongarse moito no tempo e, quizais, non nos permitiría poñer en marcha o proxecto que temos para esa zona”.
Engade o alcalde: “esta operación permítenos exaltar o enclave arqueolóxico da Atalaia, poñendo en valor o patrimonio que alí se atesora e, ademais, conseguimos acabar cun feísmo paisaxístico. Sinalou tamén que “este proxecto é un paso máis dentro do conxunto de actuacións que teñen como obxectivo apostar pola vivenda de promoción pública e evitar os feísmos paisaxísticos, como demostran o convenio asinado coa Xunta de Galicia para promover vivendas de carácter social a orde de demolición executada o mes pasado sobre os edificios de Os Molineros e Pasillo Verde na zona de Galdín”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
