LUGO .- A Escola de Imaxe e Son de Lugo, dependente da Fundación TIC cubriu o 80 por cen das parazas en dous días. Os interesados aínda poden realizar a preinscrición ata o venres na sede da Escola.
NOTA DE PRENSA
A TIC cubre o 80% da prazas para cursar estudos na EIS a dous días de que remate a preincrición
– Das 44 prazas que oferta a Escola de Imaxe e Son de Lugo, tan só quedan libres un 20% para poder cursar o ano que vén os ciclos superiores en Realización e Produción de Audiovisuais
– Os interesados aínda poden realizar a preinscrición ata o venres na sede da Escola
– A listaxe de admitidos publicarase o vindeiro luns na páxina web e no taboleiro do centro
A Escola de Imaxe e Son de Lugo, dependente da Fundación TIC, está a recibir un grande número de solicitudes para cursar o vindeiro curso 2010-2011, os ciclos superiores de Produción e Realización de Audiovisuais, Radio e Espectáculos. Nestes momentos, das 44 prazas que oferta o centro educativo están xa cubertas o 80%. O prazo remata este venres, polo que os interesados aínda poden solicitar ás últimas prazas na sede da Escola, situada na rúa Frei Plácido Rei Lemos. Tanto o impreso como a documentación correspondente, pódese descargar a través do portal web www.fundaciontic.org.
O vindeiro 12 de xullo, a Fundación TIC publicará na súa páxina web e no taboleiro da Escola de Imaxe e Son, a listaxe definitiva de admitidos, así como, a de solicitantes excluídos e os que quedan en espera.
A partir do 15 de xullo e ata ó 23 dese mesmo mes, abrirase o prazo para que os admitidos formalizacen a correspondente matrícula. De non facelo no prazo establecido, entenderase que renuncian á praza que será adxudicada ós solicitantes que quedaron en lista de espera por orde de entrada.
A única Escola de Imaxe e Son
A Escola de Imaxe e Son de Lugo é o único centro da provincia onde se imparte formación no eido do audiovisual. O centro ten como eixo fundamental a combinación de formación e práctica en contextos e escenarios reais, o que permite vencellar directamente a formación dos alumnos ás necesidades e esixencias das empresas do sector audiovisual. Deste xeito, dende o inicio da actividade da EIS, no ano 2003, máis de 125 alumnos cursaron os seus estudos de Produción e Realización. En 2009 foi o curso no que, por primeira vez, se cubriron todas as prazas e no que, debido o aluvión de demandantes, houbo unha ampla lista de espera.
Na actualidade, a Fundación TIC mantén relación con máis de 60 empresas nacionais e mantén convenios de colaboración cunha decena de entidades sociais, para difundir o seu labor sen ánimo de lucro. A través destas colaboracións, a Deputación de Lugo dá un novo impulso á relación que a EIS mantén co sector empresarial para a realización de prácticas dos seus alumnos e na procura da súa inserción laboral ó remate dos seus estudos.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
