Lugo, 02 de xaneiro de 2022. A Consellería de Emprego e Igualdade destina case 430.000 euros para apoiar o mantemento ou contratación de 45 axentes de emprego e desenvolvemento local noutros tantos concellos da provincia de Lugo.
O delegado territorial da Xunta, Javier Arias, explicou que para conceder estas achegas e determinar a contía tense en conta a media de paro rexistrado en cada municipio durante o ano 2020. Na provincia de Lugo, cada entidade local conta con axuda para contratar un axente.
En canto á distribución por zonas, na comarca da Mariña a Xunta inviste 103.400 euros para manter contratos en 10 concellos -Foz, Ribadeo, Mondoñedo, Cervo, Xove, Barreiros, Ourol, A Pontenova, O Vicedo e Lourenzá- e na Zona Sur destínanse 85.000 euros para contratar nove axentes en Monforte de Lemos, Chantada, Sober, Taboada, Pantón, Folgoso do Courel, Ribas de Sil, Carballedo e Bóveda.
Na comarca de Lugo o Goberno galego apoia con 78.200 euros sete contratacións en Lugo, Rábade, Friol, O Corgo, Guntín, Portomarín e Outeiro de Rei; mentres que na Terra Chá e Meira destínanse 62.800 euros para contar con estes profesionais en sete municipios: Vilalba, Cospeito, Begonte, Riotorto, A Pastoriza, Abadín e Ribeira de Piquín.
No tocante á área da Montaña, os municipios de Pedrafita do Cebreiro, Baralla, Cervantes, Navia de Suarna, A Fonsagrada e As Nogais suman 48.800 euros para contratar cadanseus axentes; mentres que na comarca de Sarria apróbanse 44.400 euros para dispor de cinco en Sarria, Láncara, Triacastela, O Páramo e Samos. Por último, a Xunta contribúe con 7.100 euros a sufragar un contrato en Palas de Rei.
Arias explicou que este persoal ten como obxectivo principal colaborar na implantación das políticas activas de emprego relacionadas coa creación de actividade empresarial. Os contratos asínanse por un ano e a Xunta colabora no financiamento dos custos salariais totais dos axentes, incluída a cotización empresarial á Seguridade Social por todos os conceptos.
Salientou ademais que o Goberno galego tamén apoia a contratación ou o mantemento de axentes en entidades sen ánimo de lucro para axudar a buscar emprego ás persoas que máis o precisan, como son os colectivos con discapacidade ou en risco de exclusión social.
Con ambas medidas, a Xunta impulsa a Rede de técnicos de emprego de Galicia, que está especializada na promoción de novas oportunidades laborais para apoiar a xeración de novas actividades no ámbito local e rural.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
