Ribadeo, 4 de xaneiro de 2022. O Concello pon en marcha a segunda campaña de esterilización das colonias de gatos que viven nas rúas de Ribadeo. O edil de Medio Ambiente, Jorge Díaz, destaca o traballo realizado polo voluntariado.
O concelleiro ribadense dixo que “desde o Concello retomamos a campaña de esterilización dos gatos e gatas das rúas de todo o municipio de Ribadeo”. E lembrou: “quero facer un pequeno recordatorio do que se fixo na anualidade anterior: o máis importante quizais foi sentar as bases para organizar un grupo de voluntariado e ter as colonias tuteladas con esas persoas e así darlle a forma a ese traballo ao longo da campaña pasada para que fose eficaz e dera os seus froitos”.
Díaz Freije subliñou que “a ano pasado concretamente leváronse a cabo unhas 35 esterilizacións, un labor que foi posible grazas a todo este voluntariado, apoiado tecnicamente polas dúas clínicas veterinarias da vila e tutelado polo Concello de Ribadeo”.
O edil de Medio Ambiente indicou que “o que pretendemos agora nesta nova campaña en 2022 é seguir na mesma liña que xa marcamos o ano pasado. E para iso imos incrementar a partida orzamentaria, tanto para esterilización como para alimentación. E tamén queremos dar pasos na mellora das colonias e, sobre todo, acreditar ás persoas voluntarias para que así estean seguras á hora de darlles de comer aos animais en calquera destas colonias”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
