Lugo, 11 de xaneiro de 2022. A Deputación ten 4.100 quilómetros de estradas. É evidente que en tan extensa rede, por un motivo ou por outro, é moi posible que se produza algún accidente cada ano. Pero non é xustificable que as estradas provinciais estean en condicións que non cadran coas necesarias para garantir a seguridade vial. O grupo provincial do PP leva presentadas numerosas iniciativas, recollendo queixas veciñais, para instar ao goberno provincial a mellorar a súa rede de estradas. Nesta ocasión, o portavoz popular, Javier Castiñeira, dá voz aos veciños afectados polas deficiencias da vía que une Burela e San Cibrao pola Marosa (LU-P 1510). Os populares din que o presidente da Deputación, José Tomé, logrou os avais para optar ao liderado do PSOE lucense, pero non os lograría para as estradas provincias, debido ao seu mal estado.
Castiñeira sinala: “Dende o grupo provincial do PP lamentamos que o señor Tomé estea máis ocupado en buscar avais para a súa candidaturas a dirixir o PSOE en Lugo que dos avais para garantir unhas boas estradas provinciais. O señor Tomé é o máximo responsable do mal estado das vías provinciais, por dous motivos: por un lado, porque é o presidente da Deputación; por outro, porque as estradas constitúen a principal competencia da Deputación, posto que son vías propias”. Tomé, en opinión de Castiñeira, “é o peor delegado de Vías e Obras da historia desta Deputación, non só por telas en mal estado, senón por non aceptar deseñar e executar un plan de estradas, como propuxo o PP o ano pasado e como se fixo no goberno do tamén socialista Darío Campos, apoiado por Elena Candia”. O presidente da Deputación “non fai caso das queixas veciñas, e incluso ás veces búrlase, como no caso de Carballedo”.
Os populares, nesta ocasión, fanse eco “das queixas de veciños de A Mariña, concretamente de San Cibrao, polo mal estado da seguridade dunha estrada moi utilizada, que é a que vai dende Burela pola Marosa ata San Cibrao”. Castiñeira explica: “Hai poucos días coñeciamos a noticia dun accidente grave nesta estrada e hai que dicir que os veciños levan moito tempo denunciando o mal estado desta vía e a falta de seguridade. Entre outras deficiencias, falta marcar a sinalización horizontal. O Partido Popular no mes de abril do ano pasado presentou un rogo, rexistrado o día 27, para que se arranxaran estas deficiencias, especialmente no que afectan á seguridade desta vía, a LU-P-1510”.
Castiñeira declara: “De novo os veciños de San Cibrao reclaman melloras nesta vía. Queremos que o presidente da Deputación poña máis empeño en resolver os problemas desta estrada, porque as estradas, como xa dixemos, constitúen a competencia máis relevante que ten a Deputación e neste caso non poden dicir que son da Xunta de Galicia. O goberno local debe actuar o antes posible”.
Castiñeira conclúe: “Temos 4.100 quilómetros de estradas é a ninguén se lle oculta que pode haber accidentes de calquera tipo, pero hai que poñer máis empeño en telas en bo estado. O PP seguirá insistindo. O delegado de Vías e Obras, señor Tomé, rematou o 2021 igual que comeza o novo ano: con moi mala sensación entre os lucenses e a idea de que as estras provinciais están totalmente abandonadas; os orzamentos que hai para melloralas no actual exercicio e, sobre todo, coa suba dos prezos, non augura un bo ano para as estradas provinciais”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
