BARREIROS .- O BNG, xunto a PSOE e INDEBA, veñen de presentar a solicitude de celebración dun pleno extraordinario en Barreiros para que se cree unha comisión de seguimento das obras da autovía. Na moción aseguran que as obras da A-8 están a producir serios trastornos e alteracións na rede viaria local, coa lóxica preocupación que isto provoca entre os veciños das diferentes parroquias, que tamén ven coa mesma preocupación o problema de canalización das augas pluviais e de escorrentía nas ladeiras dos montes polos que discorre a autovía.
Viais estragados
Desde o BNG, Antonio Veiga, demanda que esas obras teñan un seguimento axeitado “para que se controlen todos aqueles estragos e incomodidades que están a producir eses traballo. A maquinaria pesada está danando moitas pistas da rede viaria local, e hai un problema moi gordo que se agravou estes días coas intensas choivas caídas que son as avenidas de auga que antes discorrían polas ladeiras dos montes e que agora se canalizan en determinados puntos aumentando a cnale dos regatos e provocando inundacións con certo perigo”.
O edil nacionalista engade que “nalgúns sitios comprobamos que quedaron camiños cortados estes días e os veciños teñen que dar unha moi grande volta para ir ás súas casas ou para ir traballar porque non se deixan as vías de servizo que había previstas. Todos estes asuntos xa llos expuxemos desde o BNG ao alcalde e ao concelleiro de Obras en varias ocasións a resposta que nos deron é que estaban en contacto coas empresas construtoras e cos responsables de Fomento, pero desde logo que non nos convenceron”.
Reunións transparentes
Antonio Veiga quere que “esas reunión se fagan con transparencia e que esas esixencias que hai que solicitar se fagan con firmeza para evitar que logo que marche todo o persoal da autovía sexa imposible rectificar os danos producidos. Agora acabamos de ter unha xuntanza co resto dos grupos da oposición para demandar a celebración dese pleno extraordinario no que se cree unha comisión de seguimento sobre as obras da autovía na que estean representados todos os grupos políticos e tamén os veciños das parroquias afectadas polas obras da autovía porque son os que mellor coñecen que é o que ocorre coa A-8 e os danos que lles está a ocasionar sobre todo cando chove intensamente”.
O concelleiro do BNG en Barreiros considera que algunhas desas obras “fixeronse con descontrol e sen o mínimo respecto cara os veciños das parroquias polas que pasa ese vial que están pasando por unha situación apurada e preocupante. O paso da autovía por esta zona pode ser unha auténtica desfeita”
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
