Lugo, 22 de xaneiro de 2022. O Grupo Socialista na Deputación de Lugo defenderá no Pleno ordinario do vindeiro martes unha moción na que reclama á Xunta que desenvolva unha rede de residencias públicas que resolva o actual déficit de máis de 14.000 prazas neste tipo de centros que existe en Galicia, e que cumpra deste xeito coa ratio recomendada pola Organización Mundial da Saúde de 5 prazas de residencia por cada 100 persoas maiores de 65 anos.
Na proposta, o PSdeG solicita ao Goberno galego “que asuma as súas obrigas competenciaIs e, cando menos, financie a rede de residencias públicas da Deputación de Lugo”, ademais de “mellorar o desenvolvemento do sistema de servizos sociais para garantir que os dereitos dos cidadáns se convertan nunha cobertura real das necesidades”.
Os socialistas presentan esta iniciativa despois de que a Asociación de Directores e Xerentes de Servizos Sociais publicase un informe no que constata que Galicia ten un déficit de 14.331 prazas en residencias, segundo a ratio de 5 prazas por cada persoa de máis de 65 anos que recomenda a OMS.
Segundo os datos da asociación, Galicia é a terceira CCAA cun maior déficit en prazas de residencias públicas, ocupando o posto número 13 no desenvolvemento do sistema de Servizos Sociais, cunha valoración de 4,5 no índice DEC que mide a relación entre os dereitos e o esforzo económico e de xestión que se realiza para garantir a cobertura real das necesidades das persoas. De acordo cos profesionais, no ano 2020, o esforzo da Xunta estancouse ou mesmo retrocedeu –a pesar da pandemia– e a valoración que merece o sistema galego é “débil”. Como ben di a Asociación, córrese o risco de que os dereitos recollidos na lexislación sobre dependencia se convertan en “dereitos de papel”, sen cobertura real garantida.
O PSdeG afirma que a mellor proba “da inacción da Xunta” apórtana as cifras de prazas de residencia dispoñibles ó longo dos anos do Goberno de Alberto Núñez Feijóo. No ano 2010, Galicia contaba con 20.432 prazas de residencia dispoñibles. En 2020, o número baixara a 20.371. Na década 2010/2019, en España aumentaron nun 5,5% as prazas en residencias de maiores, mentres que en Galicia caeron case un 3%.
Os socialistas advirten que os datos tamén indican que “Galicia é a terceira en tamaño medio de residencias, con 103 prazas, o que amosa a aposta por un modelo masificado, centrado na procura do beneficio económico das empresas do sector privado promovido polo PP, e que non garante nin a digna atención dos maiores nin as adecuadas condicións laborais dos traballadores”.
A Deputación de Lugo abriu 7 residencias
Mentres a Xunta de Galicia non abriu nin unha soa residencia pública nos 12 anos de Goberno de Feijóo, o PSdeG lembra que a Deputación de Lugo, con 125 menos orzamento que a Administración autonómica e sen ter as competencias nesta materia, abriu 7 centros públicos de atención a maiores, “sen recibir nin euro da Xunta, nin para a construción nin para o funcionamento”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
