Burela, 22 de xaniero, 2022. O Pescados Rubén Burela FS inaugurou os compromisos de 2022 cun axustado triunfo ante CD Leganés FS (2-1). As pupilas de Lucas acusaron a falta de traballo grupal durante o último mes e as ausencias, pero tamén demostraron saber sufrir para aferrarse aos tres puntos nesta penúltima xornada antes do ecuador de Primeira RFEF. O Clásico ante Futsi Atlético Navalcarnero, con duelo no cume, pechará a primeira volta (a expensas dos aprazados) en La Estación o vindeiro sábado (18.30 horas).
Miriam sacou unha boa man na primeira con perigo das galegas, con dominio e posesión, nas zapatillas de Elenita desde Emilly; aínda non se cumpriu o quinto de xogo. Cami puxo a proba á meta rival por partida dobre chegando ao ecuador da primeira parte. Leganés sumou a quinta falta con máis de oito minutos para o descanso e a falta sobre Cilene na banda provocou a ocasión de dobre penalti no 13, con sentenza de Emilly. A 99 burelista volveu dispoñer da mesma oportunidade tres minutos despois, pero Miriam sacou a perna para desbaratala. A meta madrileña respondeu á perfección pouco despois para evitar o segundo, de novo ante Emilly, nun mísil da brasileira tras recuperación de Bea Mateos. A tan só 9 segundos para recibir o descanso, Elenita mantivo a recado a vantaxe mariñá, neutralizando unha de ouro de Isa García en contragolpe e tras superar a Sandra Buzón.
Empezou caldeada a segunda parte. Jozi resolveu á perfección a falta de Patri e o pau evitou o segundo de Emilly, xa no primeiro minuto da continuación. A meta laranxa volveu frear o perigo das madrileñas pouco despois fronte a Puche. Con todo, foi a 10 do Leganés a que conseguiu empatar a contenda no 24, tras recuperación en pista laranxa e co balón morto tras a intervención de Jozi. Miriam volveu converterse no verdugo das Guerreiras, moi insistentes sobre a rede madrileña, na recuperación de Cilene servida a Lara Balseiro antes da medianía do segundo acto. Con dous minutos por diante, Bea Mateos liderou o xogo de cinco en busca dos tres puntos. Cami recuperou a iniciativa, a tan só 48 segundos da bucina, nunha diagonal de Lara Balseiro. Viviu Vista Alegre unha recta final de infarto con dobre perigo de Isa García e Bea Mateos ao pau.
As Guerreiras Laranxas e a Bomboneira celebraron a primeira vitoria do ano cantando o Feliz Aniversario a Lara Balseiro.
Ficha técnica
Pescados Rubén Burela FS: Sandra Buzón, Cilene, Cami, Elenita, Emilly, cinco inicial; tamén xogaron Elena Aragón, M. Cortés, Bea Mateos, Lara Balseiro, Jozi Oliveira
CD Leganés FS: Miriam, María, Puche, Patri, Natalia Orive, cinco inicial; tamén xogaron Guti, Pipi, Chuli, Isa García, Molano
Goles: 1-0, minuto 13, Emilly; 2-0, minuto 40, Cami.
Árbitras: Fraiz Catalán // Palma Menéndez. Por Burela, amarela para Elena Aragón (minuto 16).
Incidencias: Partido correspondente á xornada 14 de Primeira RFEF Feminina disputado en Vista Alegre, que gardou un minuto de silencio polo falecemento do presidente do Peñíscola FS, Juan Vizcarro.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
