Lugo, 23 de xaneiro de 2022. O Grupo Socialista na Deputación de Lugo defenderá o vindeiro martes, a través dunha moción no Pleno da Corporación, emprazar á Xunta a garantir o ensino no rural lucense, e demandan que se se recupere a asignatura de francés no IES de Becerreá, tal e como solicita o profesorado e o alumnado do centro.
Nesta proposta, reclaman que se atendan as reivindicacións sobre falta de profesorado, agrupacións inadecuadas de alumnos/as e semellantes, como xa denunciou a comunidade educativa lucense dende principios de curso.
O PSdeG solicita adoptar as medidas necesarias para garantir que o ensino público no rural achegue a nenos e nenas, rapaces e rapazas, unha oferta educativa en pé de igualdade da que dispoñen os seus compañeiros e compañeiras das cidades.
As alumnas e alumnos do IES de Becerreá saíron á rúa dende principios de curso para demandar que se poida impartir a clase de francés neste centro educativo. “E xa son un símbolo da contestación social que xera en Galicia o ataque ó ensino público que leva a cabo a consellería de Educación e a Xunta de Galicia. E tamén un exemplo do rexeitamento, alto e claro, que a sociedade galega amosa ante unha xestión que ignora a realidade galega e quere impoñer un modelo de dúas velocidades, cun ensino rural con menor oferta, menos materias, menos profesorado e, xa que logo, menos oportunidades para os rapaces e rapazas do rural”, aseguran os socialistas na proposta.
Mínimo 5 alumnos
A decisión da Xunta xorde da aplicación dunha norma “incomprensible e lesiva” para os nenos e nenas do rural, que establece a eliminación das optativas que non acaden un mínimo de 5 alumnos/as. “Unha medida que amosa un descoñecemento absoluto da demografía do rural e, xa que logo, do propio concepto de optativa”, afirman os socialistas, que advirten “que a decisión de suprimir esta optativa e facelo sen avisar, a comezos de curso, e nunha materia que puntúa na Abau, é un desprezo ó alumnado, ás familias e ós docentes”.
Becerreá, As Nogais ou Chantada
O acontecido en Becerreá non é, por desgraza, un caso illado, recorda o PSdeG, que lembra que a principios de curso, “os e as socialistas lucenses denunciamos a falta de previsión da Xunta, ó non manter as contratacións de reforzo aínda que persistían os condicionantes fixados pola pandemia. A situacións como a de Becerreá súmanse, por desgraza, o peche unilateral do colexio de Baamonde, a agrupación de alumnos/as en contra dos propios criterios fixados pola Consellería en As Nogais, ou a redución de docentes no IES Lamas das Quendas en Chantada, por citar so algúns exemplos”.
“Dende o PSdeG defendemos, coma sempre o fixemos, un ensino público, universal e de calidade, que garante unha igualdade de oferta e oportunidades para os rapaces e rapazas da provincia, con independencia do seu lugar de residencia”, remarcan.
O único IES da Comarca dos Ancares
Ademais, cumpre lembrar que o de Becerreá é o único IES da comarca dos Ancares. No resto de centros da zona, a formación só chega a 4º da ESO. Ten 50 alumnos e dá servizo a cada vez máis concellos da zona. “Como se entende este ataque do Goberno do PP ao alumnado do rural lucense?. Ou queren que o alumnado teña que vir obrigatoriamente facer o bacharelato a Lugo?”, pregunta o PSdeG.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
