A Fonsagrada, 7 de febreiro de 2022. O goberno socialista de A Fonsagrada xa ten demostrado que ve a palla no ollo alleo, pero non ve a viga no propio. Unha e outra vez actúa da mesma maneira e máis aínda cando se trata de criticar á xestión da Xunta, que parece ser o gran obxectivo de todas as institucións nas que goberna a esquerda na provincia de Lugo. Así o sinala o portavoz popular, José Luís Regueiro, á vista das críticas que dedicou o goberno local á Xunta por instalar un monólito na capital da provincia que sinala os 100 quilómetros que quedan ata Santiago seguindo o Camiño Primitivo. Regueiro di: “O PSOE e o BNG instalaron un monumento na entrada do Camiño Primitivo na capital lucense e o goberno de A Fonsagrada non dixo nada; a Xunta sinaliza cun monólito o quilómetro 100, e parécelles moi mal. A ver se se aclaran”. Fronte a acusación de falta de investimentos en A Fonsagrada pola Xunta en relación co Camiño Primitivo, Regueiro lembra os investimentos efectuados pola Administración autonómica.
Regueiro destaca igualmente que a instalación do monólito foi en atención ás peticións recibidas pola Xunta dende distintas asociacións.
O portavoz popular lembra que no concello de A Fonsagrada atópase o albergue Casa de Pasarín, que ten 42 prazas; forma parte dende 2016 da Rede Pública de Albergues e está xestionado polo Xacobeo. No 2015, levouse a cabo a rehabilitación da Casa de Pasarín, como centro de atención ao peregrino, cun investimento de 534.977,93 euros. No 2021 efectuáronse melloras na carpintería, baños e instalacións no albergue de A Fonsagrada, por importe de 21.202,41 euros.
No termo municipal de A Fonsagrada, o mantemento, roza e limpeza do Camiño Primitivo tivo un custo de 323.168,10 euros dende 2015 (incluído), dos que 87.710,88 corresponderon ao exercizo 2021.
Regueiro destaca que o concello de A Fonsagrada forma parte do xeodestino Ancares-O Courel, xestionado pola Asociación de Desenvolvemento Rural Monte e Vales Orientais e pola Asociación de Desenvolvemento Rural Ribeira Sacra-Courel. O convenio coa Asociación de Desenvolvemento Rural Montes e Vales, da que forma parte o concello de A Fonsagrada, recibiu en total 109.945,22 euros, dos que 87.956,14 euros foron de Turismo dende o 2019, incluído.
Por outro lado, a Xunta declarou Festa de Interese Turístico Galego a Feira do Butelo de A Fonsagrada en maio do 2018.
Noutro orde de cosas, hai que lembrar que ao norte do municipio de A Fonsagrada hai dous sendeiros (PR-G 139 e PR-G140), conectados entre si e que destacan pola calidade dunhas sendas abertas exclusivamente para chegar a lugares inaccesible da Reserva da Biosfera Río Eo, Oscos e Terras de Burón. Nesta liña, mediante convenios, a Xunta ten aportadas as seguintes cantidades: Información e sinalización de sendeiros homologados, rutas de interese turístico (2017), 11.616 euros; acondicionamento da zona de estacionamento de vehículo e da ruta a Seimeira de Vilagocende (2019), 13.567,53 euros; promoción e desenvolvemento do Camiño de Santiago a través dun percorrido en realidade virtual (2020), 11.253 euros; embelecemento e mellora do entorno do Camiño de Santiago e do albergue de peregrinos no casco antigo de A Fonsagrada, (2020), 12.164,66 euros; festa do Butelo ((2020), 3.000 euros; acondicionamento da Rúa Bolaño, (2020-2021), 15.410,88 euros; proxecto de embelecemento de recursos turísticos (2021), 29.994,74 euros; pintado da fachada do colexio de Barbeitos e instalación de punto de recollida de lixo (2021), 9.083,51 euros.
Por outro lado, no 2020, estableceuse o convenio co Bispado de Lugo para o proxecto de reparación e mellora da accesibilidade á igrexa de A Fonsagrada, por importe de 60.000 euros.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
