Viveiro, 9 de febreiro, 2022. Vista a desidia, o BNG de Viveiro volveu a levar no último pleno a problemática do paseo fluvial do Landro, onde as madeiras do chan nas zonas de máis humidade estanse a converter en verdadeiras pistas de patinaxe. Unha problemática habitual en pasarelas deste tipo pero tamén de fácil solución coa colocación dunha malla metálica ou plástica suxeita ás madeiras.
Míriam Bermúdez, concelleira do BNG, recordoulles que esta “é unha contorna Rede Natura, polo que teñen a posibilidade como Goberno de conseguir fondos europeos para atender ás competencias que ten o Concello en mantemento, seguridade e condicionamento neste paseo fluvial.”
O Concelleiro de Obras Jesús Fernández Cal, comezou respondendo no pleno que “poñer malla no chan era un gasto inútil”, para rematar poñendo á semana seguinte uns sinais de advertencia para continuar sen subsanar o problema. Tamén apuntou que a concelleira do BNG “fala continuamente de facer gasto”, despois de explicarlle Míriam Bermudez xusto na intervención anterior, que se podían conseguir fondos europeos sen que saíse das arcas municipais.
Seguindo coas respostas incoherentes, Fdez Cal afirmou que “hai outros lugares por onde pasear”, supoñendo que tamén pensaron así no PSOE de Viveiro cando; pecharon con verxa o acceso á praia de Sacido, hai outras praias. Pecharon o acceso ao aparcadoiro da área etnográfica da Insua, hai outros aparcadoiros. Pechou o matadoiro municipal por que o Concello non supervisou este servizo subcontratado, hai outros matadoiros. Pecharon os aseos públicos templete da música, hai outros baños. Etc.
Despois da lista de incoherencias nos discursos do Concelleiro de Obras, Míriam Bermúdez asegura que “non queren atender as súas competencias como goberno, están tan obsesionados en facer oposición desde o goberno ao BNG, que se están olvidando de Viveiro, de que esteña ben conservado, limpo e coidado.”
Míriam Bermúdez lamenta así a pouca disposición do Goberno Municipal a escoitar e tentar melloras, mais afirma que “tan só hai que ver como presentan os orzamentos, sen escoitar as demandas da oposición, sen dar antes un borrador para que a oposición faga as súas propostas de mellora e enterándonos sempre deles por prensa, coa foto do cogoberno de María e Bernardo e cos orzamentos totalmente pechados.”
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
