Lugo, 15 de febreiro de 2022. O socialista Fran Cajoto pilota un goberno local tan ineficaz na xestión como ausente á hora de representar os verdadeiros intereses do concello de Foz. De novo volveu quedar patente a maneira que ten Cajoto de entender as súas responsabilidades como alcalde. O portavoz popular, Javier Castiñeira denuncia que “unha vez máis vemos como o alcalde de Foz se escaquea cando hai problemas, comprobamos de novo que é un alcalde ausente cando o concello o necesita; vimos de coñecer que os alcaldes dos municipios afectados polo proxecto da central hidroeléctrica de O Valadouro tiveron unha reunión cos promotores, para ser informados e para intercambiar puntos de vista e o alcalde de Foz non estivo”. Os populares din que Cajoto “sigue pensando que o concello de Foz non é un dos afectados e nós cremos que si, que si somos afectados; visto o proxecto, esa captación de 4,5 veces a capacidade que ten de captación o Concello de Foz, temos claro que pode afectar ao abastecemento de auga municipio de Foz”.
Castiñeira sinala: “Nós queriamos que o alcalde estivese nesa reunión, pero volveu repetir o que leva feito xa moitas veces. O importante para o alcalde e intentar pasar os problemas a outras administracións, que xa van facer o seu traballo; non entendemos que o alcalde de Foz renuncie ao seu dereito a ser escoitado e ao ser dereito a ser informado, para despois poder informar a toda a corporación e a todos os veciños”. O portavoz popular constata que “os veciños están preocupados por se nos próximos anos se pode garantir o abastecemento de Foz e esa ampliación que se solicitou no seu momento para os dous planes parciais que están pendentes de desenvolver”.
No PP lamentan “que o alcalde se escaquee, que estea pensando noutras cousas, probablemente moito máis divertidas”. Destacan: “Este é un problema no que necesitabamos que estivese presente. Non o entendemos. O Concello de Foz xógase moito con este proxecto. Tampouco entendemos a postura do BNG, absolutamente proteccionista cos seus socios de goberno pero desdeixados dos intereses dos nosos veciños”. Castiñeira deixa unha pregunta no aire: “Onde estaría o BNG de Foz se estivese gobernando o PP?; probablemente nos pode contestar algún dirixente ou ex dirixente do BNG nos pode contestar”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
