Burela, 20 de febreiro, 2022. O Pescados Rubén Burela FS non puido poñer o broche á intensa semana lonxe da Mariña como precisaba. O duelo directo na zona baixa da táboa decidiu o botín para o Fútbol Emotion Zaragoza por 4-0. Este resultado outórgalles aos maños a vantaxe de 4 puntos sobre o peche da clasificación do conxunto laranxa, que ten 14 xornadas por diante para seguir loitando.
Os locais fixeron valer o temperán gol, xa no minuto 3, nun erro de pase burelista na saída de presión que sentenciou Óscar Villanueva. Os galegos tiveron que conformarse co resultado de 1-0 ao descanso, cunha ocasión de Pitero que repeleu milagrosamente o pau a tan só 2 segundos da bucina.
O Pescados Rubén Burela dispuxo do primeiro perigo na continuación per foi de novo o Zaragoza o que atopou o premio, en contraataque, con Piqueras. A conexión entre Pazos e Isma puxo a proba a Iván Bernad nunha das mellores dos mariñáns sen acabar de atopar o momento decisivo. Con oito minutos por diante, o Pescadso Rubén Burela FS saltou á pista con Pitero como porteiro xogador, tras o 3-0 de Claudino nun man a man con Kaluza, á contra. Tentouno unha e outra vez o conxunto galego, con paciencia, con xogo de cinco, pero Piqueras soubo aproveitar no 38 para subir o 4-0 a porta baleira.
Semana sen liga
Os mariñáns afrontarán a semana sen liga, pola Supercopa de España (26-27 de febreiro, Xerez de la Frontera), coa disputa de cuartos de Copa Galicia, coa visita á pista de Lugo Sala o mércores, día 23, ás 21.00 horas.
Ficha técnica
Fútbol Emotion Zaragoza FS: Iván Bernad, Óscar Villanueva, Jamur, Ortego, Carlos García, cinco inicial; tamén xogaron Richi Felipe, Juanqui, Carlos Retamar, Claudino, Piqueras, Dani Santos
Pescados Rubén Burela FS: M. Kaluza, Isma, Renato, David Pazos, Wanderson, cinco inicial; tamén xogaron Lucho, Álex Diz, Pitero, Quintela, Iago Míguez Goles: 1-0, minuto 3, Óscar Villanueva; 2-0, minuto 22, Piqueras; 3-0, minuto 32, Claudino; 4-0, minuto 38, Piqueras
Árbitros: Barrilero Mohedano // Bustos Caparrós. Por Zaragoza amarela para Dani Álvarez (minuto 20), Dani Santos (minuto 28), Piqueras (minuto 33), Carlos Retamar (minuto 40). Por Burela amarela para Isma (minuto 29), Iago Míguez (minuto 33), Wanderson (minuto 34), David Pazos (minuto 39), Renato (minuto 40)
Incidencias: Partido correspondente á xornada 16 de Primeira RFEF Masculina disputado no Siglo XXI de Zaragoza.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
