Viveiro, 24 de febreiro, 2022. En relación á nota de prensa enviada aos medios de comunicación pola voceira do BNG de Viveiro contra o que ela califica de “tarifazo” da auga, o concelleiro de Economía e Facenda, Jesús Fernández, indica que non se corresponde coa realidade, “actuando polo tanto como noutras ocasións para tratar de desvirtuar tanto á alcaldesa, María Loureiro, como ao resto de compañeiros e compañeiras da corporación municipal”.
O BNG indica que foi o goberno do PSOE en 2003, á petición da empresa concesionaria de auga, o que incluíu o IPC como excusa para subir os prezos de forma desproporcionada e incide que é algo actualmente fóra de lei, o cal non é verdade, senón que se lle está dando cumprimento a unha modificación acaecida en dito ano.
O que non indica a voceira do BNG é que nesas datas, no pleno celebrado o día 30 de outubro de 2003, o BNG estaba cogobernando en Viveiro co PSOE con tres concelleiros. En dito pleno foi aprobado por unanimidade dos 16 membros presentes (5 do PSOE, 3 do BNG, 7 do PP e 1 de IU) o seguinte acordo:
a) a modificación da cláusula contractual aplicando as tarifas da auga para o 2004 a subida do IPC interanual.
b) establecer como criterio no contrato de revisión das tarifas o IPC interanual no mes de setembro.
Así mesmo, na comisión informativa celebrada o día 29 de outubro de 2003 ditaminárase favorablemente, por unanimidade, esta proposta.
No pleno celebrado en decembro de 2021, esta actualización foi aprobada con catorce votos a favor (7 do PSOE, 5 do PP, 2 de Por Viveiro) e un en contra do BNG.
Vemos un exercicio de alarmismo infundado por parte da Sra. Bermúdez para seguir mentíndolle aos veciños cando se está respectando un acordo plenario e unha modificación contractual coa empresa da auga.
Por parte do goberno municipal, como xa levamos desmostrando nos últimos exercicios, non se incrementaron os impostos e as taxas, agás nalgún momento puntual o incremento do IPC para algúns contratos asinados con esta referencia.
A realidade desta medida da actualización deste IPC na tarifa da auga, tal e como xa se explicou no seu día, oscila entre 0,02 € e 0,17 €, dependendo do tipo de consumos. O contrato de subministros actualízase subindo 1,09 € e o enganche á rede xeral sube 5,62 €. Mentres que no caso da depuración oscila entre 0,06 € e 0,10 € para todos os tramos dita subida.
Esta revisión prevista no contrato suscrito coa empresa concesionaria é imprescindible para cubrir o custo da prestación, de xeito que se axuste entre custe directo do servizo/rendemento.
Unha cousa é oposición e outra desesperación, como mostra de novo a concelleira do BNG, que parece que está desesperada por saír nos medios de comunicación a desprestixiar unha vez máis á alcaldesa.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
