Cervo, 25 febreiro de 2022. O Goberno municipal está disposto a utilizar todos os instrumentos administrativos posibles para impedir que a SAREB -a entidade semipública estatal, tamén coñecida como “banco malo”- continúe bloqueando as iniciativas de mellora paisaxística e de creación de vivenda accesible neste municipio.
O rexedor popular non comprende a “actitude obstrucionista” dunha entidade que, participaba polo Goberno de España, “debera mirar polo interese xeral” e revela que a SAREB está a poñer “múltiples obstáculos” ante os esforzos do Goberno local por eliminar os esqueletos de edificios inacabados e paralizados hai anos.
Alfonso Villares aclara que a SAREB é hoxe propietaria de tres edificios “en esqueleto”: dous bloques situados no barrio de Galdín, nun dos principais accesos á localidade de San Ciprián, xunto ao colexio público. E tamén dun bloque de edificios situado na zona da Atalaia, na illa de San Cibrao (porto de Arriba), moi próxima ao xacemento arqueolóxico do mesmo nome.
“Sinceramente, non podemos entender que esta entidade estatal pretenda facer duns inmobles ruinosos un negocio, en contra dos intereses das veciñas e veciños de Cervo. Nós, desde o Concello, queremos loitar contra o feísmo destas construcións inacabadas e realizar neses espazos proxectos de mellora e integración paisaxística”.
O alcalde explica que, aínda que cada un destes edificios inacabados ten unha situación administrativa e xurídica diferente, en todos os casos, cando a propiedade está en mans da SAREB, atópanse con múltiples atrancos: “Obstáculos á hora de negociar a venda dos inmobles, desprezo aos distintos requirimentos urbanísticos que ordenan a demolición, continuos recursos ante as resolucións administrativas do Goberno local”.
Ata tal punto é así que o Goberno local “xa estuda un plan B”. De feito está a valorar “moi seriamente” a posibilidade de poñer en marcha un procedemento de expropiación forzosa das parcelas sobre as que se alzan esas estruturas inacabadas. Con todo, esta situación “non é a desexada” porque prolongaría no tempo a solución, e obrigaría a realizar trámites máis complexos.
Multas coercitivas e obstáculos á adquisición dos edificios
Así por exemplo, no caso de San Ciprián, os dous edificios situados no barrio de Galdín, promovidos no seu día por Pasillo Verde e Os Molineros, contan cunha orde de demolición en curso, que a SAREB non está atendendo, incluso, a pesar de que se suceden sobre a entidade varias multas coercitivas.
A situación é aínda máis sorprendente, se cabe, cando se trata da estrutura inacabada da Atalaia. Neste caso, tal e como se explicou recentemente, o Concello, tras forzar a poxa do inmoble compareceu na mesma para a súa adquisición. Tras a poxa, a SAREB presentou alegacións e mellorou a oferta, sorprendentemente, impedindo que a administración local se fixese polo de agora cos terreos.
Os reiterados incumprimentos da SAREB en relación co edificio inacabado da Atalaia sobre o que tamén pesa un expediente de reposición da legalidade que obriga a súa demolición, desembocou en tres multas coercitivas que xa acumulan un valor total de 13.000 euros.
En ambos casos, tras moito tempo de infrutuosas negociacións, hai xa catro anos que iniciaron os trámites para lograr, en primeiro lugar, a caducidade das licenzas e iniciar, de seguido, un expediente de reposición da legalidade urbanística, que implica a desaparición deses edificios e a adecuación da parcela á situación anterior ao inicio das obras de construción.
Mellora paisaxística e vivendas a prezos accesibles
Pero a iniciativa do Goberno local que preside Alfonso Villares non se limita a acabar coa mala imaxe que proxectan eses edificios inacabados. O Concello tamén valora a adquisición de varios inmobles, para rehabilitalos e convertelos en vivendas de promoción pública a prezos accesibles.
Este é o caso, por exemplo, da edificación emprazada na Galiñeira de San Ciprián –que tamén é propiedade da SAREB- e unha segunda promoción de vivendas adosadas emprazadas na rúa das Lobeiras, na capitalidade municipal, Cervo.
“Lideramos unha aposta de futuro. Queremos poñer a disposición da veciñanza, e de todos aqueles que queiran facer do noso municipio o seu fogar, vivendas públicas a un prezo máis accesible”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
