Lugo, 25 de febreiro de 2022. A Xunta de Goberno da Deputación de Lugo aprobou este venres as bases das convocatorias de axudas de concorrencia competitiva a asociacións culturais e a clubs e entidades deportivas, coas que a Vicepresidencia da Deputación de Lugo achegará ao tecido asociativo 700.000 euros.
A vicepresidenta da Deputación, Maite Ferreiro, detallou as contías e obxectivos das convocatorias, que nos vindeiros días se publicarán no Boletín Oficial da Provincia para que as entidades poidan tramitar as solicitudes correspondentes.
Asociacións e colectivos culturais
A convocatoria para asociacións culturais conta cun importe total de 200.000 euros. As achegas teñen como finalidade o financiamento de actividades culturais que se desenvolvan na anualidade 20222 por parte de entidades dedicadas á dinamización e promoción cultural que teñan sede ou delegación social na provincia de Lugo.
As asociacións poderán beneficiarse de achegas entre os 300 e os 3.000 euros, en función da calidade e o interese cultural, patrimonial e etnográfico das actividades que presenten á convocatoria así como a súa singularidade e grao de consolidación, dacordo cos baremos fixados nas bases.
Tamén se valorará a difusión e transmisión de valores que fomenten a igualdade de xénero, a integración das persoas con capacidades diferentes e as relacións interxeneracionais. Así mesmo, primaranse as propostas de asociacións asentadas en concellos de ata 2.000 habitantes.
Maite Ferreiro explicou que “un ano máis sacamos adiante esta convocatoria que achega ás asociacións de ámbito local e comarcal un apoio económico fundamental para manter a súa actividade e facilitar o acceso á cultura en todo territorio. A diferenza doutras anualidades, nesta ocasión centramos todo o investimento na organización de actividades, para promover a recuperación total dese dinamismo: das presentacións, proxeccións, coloquios, encontros culturais, que se viñan organizando e que foron interrumpidas ou condicionadas pola pandemia”.
Na convocatoria de 2021, beneficiaronse desta achegas 135 asociacións culturais das distintas comarcas.
Clubs e entidades deportivas
No tocante á convocatoria para clubs e entidades deportivas, o investimento da Vicepresidencia da Deputación será de 500.000 euros. Establécense dúas liñas de axuda: unha destinada a sufragar gastos da actividade competitiva, cun importe que oscila entre os 300 e os 5.000 euros, con 470.000 euros, e outra dirixida á organización de eventos, con achegas entre os 300 e os 2.000 euros.
Na concesión, valóranse criterios como o número de deportistas e/ou equipos, ao rendemento deportivo ou a traxectoria do club, e tamén se formulan baremos ligados a promoción do deporte feminino e a participación de persoas con capacidades diferentes. Asi mesmo, prímanse aos clubs con sede en concellos con menos de dous mil habitantes.
Maite Ferreiro sinalou que “estas subvencións son un recurso fundamental para clubs de base e afeccionados de todas as comarcas, xa que con ellas financian gastos derivados de fichas, material deportivo ou transporte facilitando que rapaces e rapazas poidan practicar diferentes modalidade que se benefician nenas e nenos/rapazas e rapaces de todas as modalidades deportivas”.
O ano pasado recibiron estas axudas uns 200 clubs de base e afeccionados das distintas comarcas.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
