Mondoñedo, 10 de marzo de 2021. O Pazo de San Tomé de Mondoñedo acolleu hoxe a última xornada na provincia do programa Camiño de futuro, organizado pola Xunta en colaboración coa CEL para dar a coñecer ás empresas locais os recursos de orientación e as achegas económicas ás que poden acceder para promover a súa modernización e expansión.
No acto participaron o delegado territorial da Xunta en Lugo, Javier Arias, e a directora xeral de Pesca, Acuicultura e Innovación Tecnolóxica, Mercedes Rodríguez, así como representantes dos Grupos de Desenvolvemento Rural (GDR) Terras de Miranda e Terra Cha e do Grupo de Acción Local do Sector Pesqueiro (GALP) A Mariña-Ortegal, entre outros.
Logo da presentación das diferentes liñas de axuda da Administración autonómica, tivo lugar unha mesa redonda de casos de éxito empresarial con pemes innovadoras da contorna procedentes de distintos sectores da economía galega.
Deste xeito, son empresas da mesma área xeográfica as que explican a súa propia experiencia de desenvolvemento coa colaboración do Goberno galego a través de distintas entidades, entre elas o Instituto Galego de Promoción Económica (Igape), a Axencia Galega de Innovación (Gain), os GDR ou os GALP. Nesta xornada interviñeron Carlos Villapol, de Laminados Villapol; Julio Vázquez, de Pele Design and Retail, e Juan Manuel López, de Villapene Investment.
A iniciativa remata hoxe a súa andaina na provincia despois de ter recalado en días anteriores en Baleira e Bóveda. No conxunto de Galicia programáronse catorce encontros de networking para os meses de marzo e abril no marco do Programa de Impulso á Innovación nas Pemes posto en marcha pola Vicepresidencia segunda e Consellería de Economía, Empresa e Innovación co obxectivo de axudar ás pemes e microempresas galegas a investir en innovación.
Deste xeito, dáse continuidade ao programa Camiño da innovación, que entre os pasados meses de novembro e decembro percorreu 18 concellos galegos -cinco deles lucenses-, sumando 555 asistentes e realizando 246 accións de asesoramento.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
