Madrid, 10 de marzo de 2021. O deputado do BNG no Congreso, Néstor Rego, mantén un encontro con representantes da frota que faena nos caladoiros do Cantábrico ameazados pola instalación de parques e complexos eólicos. Rego traslada que o BNG xa rexistrou distintas iniciativas na cámara baixa reclamando que o Goberno do Estado atenda o contido do “Manifesto de Burela en defensa do sector pesqueiro” co obxectivo de protexer o sector pesqueiro. Así mesmo, reitera que o BNG rexeita a implantación da eólica mariña na costa galega polos enormes prexuízos que causaría ao sector e tamén polos danos nos ecosistemas mariños.
A través do denominado “Manifesto de Burela”, asociacións e Federacións de Confrarías, así como armadores e outras organizacións están a alertar sobre os diferentes proxectos de implantación de enerxía eólica mariña. Estes proxectos poñen perigo a actividade pesqueira por canto as instalacións preténdense situar en caladoiros de pesca e tamén na proximidade de Espazos Mariños que gozan dalgún tipo de protección. O deputado do BNG no Congreso vén de manter un encontro con asinantes do manifesto e traslada as novas iniciativas rexistradas na cámara baixa.
O deputado Néstor Rego, destaca que a plataforma continental galega non é apta para a instalación de proxectos de eólica mariña por ser moi estreita. Esta conformación natural e xeolóxica implicaría que os aeroxeradores deberan colocarse a moi pouca distancia da costa, e afectarían directamente aos caladoiros principais da nosa frota de baixura, ademais dos prexuizos para a biodiversidade mariña.
“Queremos evitar o severo prexuízo ao sector pesqueiro e os danos nos ecosistemas mariños que supoñería a implantación deste tipo de instalacións eólicas” explica o deputado nacionalista. Por este motivo, insta o Goberno a avaliar, a través do Consello Superior de Investigacións Científicas (CSIC) e do Instituto Español de Oceanografía (IEO), o impacto da instalación de polígonos de eólicos mariños sobre os recursos pesqueiros e as zonas de traballo das diferentes artes e segmentos de frota que operan no caladoiro nacional do Cantábrico-Noroeste e os seus efectos sobre a economía das comunidades pesqueiras do Cantábrico.
A incompatibilidade dos proxectos eólicos coa actividade pesqueira e o mantemento da biodiversidade nos ecosistemas mariños faise máis gráfica “cando falamos da contaminación acústica, coas graves consecuencias que ten para aves e mamíferos mariños, e os cambios na rapidez e dirección das ondas, así como os posíbeis efectos de alteración das correntes mariñas e a súa afectación aos substratos e a biodiversidade”.
A plataforma entende, tal e como recolle no “Manifesto de Burela”, que a pesca forma parte da solución para paliar o cambio climático, e os pescadores “non podemos ser substituídos nos mares por industrias que afecten ao modo de vida e aos nosos ecosistemas en prexuízo de toda a sociedade e para beneficio de empresas enerxéticas que demostraron estar moi apartadas do interese xeral e do ben común”. Especialmente na Galiza, e no máis concreto na comarca da Mariña, onde unha porcentaxe elevada da cidadanía depende directa e indirectamente da actividade pesqueira.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
