Cervo, 10 marzo de 2022. A parroquia de Rúa celebrará, de novo, a súa tradicional Festa da Candelaria o venres 11, o sábado 12 e o domingo 13 de marzo. Son as primeiras festas patronais con verbena que se celebran no municipio desde o ano 2020.
A cita foi presentada polo alcalde, Alfonso Villares, a edil de Cultura, Dolores García Caramés, e polos membros da comisión de festas, Alexis, Miriam e Antonio Villarquide.
A cita celébrase esta fin de semana despois de ser aprazada no mes de febreiro pola situación derivada da sexta vaga da pandemia.
Deste xeito, dende o Concello convidan a todo o mundo a asistir a esta festa na honra á Virxe da Candelaria cun programa repleto de actos que debullamos a continuación:
O venres, 11 de marzo, haberá verbena coas orquestras Fania Blanco Show e Los Satélites.
O sábado, día 12, ás 13:00 horas, celebrarase unha misa solemne cantada polo Coro Parroquial de Cervo, seguida de procesión. A continuación, haberá sesión vermú coa orquestra Miramar, que repetirá pola noite na verbena, acompañada pola orquestra Finisterre, desde as 22:00 horas.
O domingo, ás 13:00 horas, celebrarase unha nova misa solemne seguida de procesión, á que seguirá o Grupo Fénix, para amenizar a sesión vermú, que tamén protagonizará a verbena nocturna.
Tanto Villares como Caramés recordan que desde o Concello “estamos sempre a disposición da veciñanza e daquelas asociacións que precisan da colaboración desta Administración, como neste caso coa Candelaria, porque cremos que as festas patronais son historia viva do noso pobo e consideramos fundamental manter ese espírito, que sobrevive ano tras ano grazas ao laborioso traballo que fan dende as distintas comisións de festas, de xeito altruísta; un esforzo que se ten que ver recompensado cunha gran resposta por parte da veciñanza de Cervo e da contorna, que de seguro que participarán nesta Festa”.
“Vimos dunha época complicada, propiciada pola pandemia, e é unha alegría que este tipo de festividades se volvan a celebrar. Mais, ainda que cada vez nos imos achegando un pouco máis á normalidade, non lle debemos perder o respecto ao virus” engadiu o rexedor.
O campo estará cuberto cunha gran carpa para poder gozar do evento, aínda que as condicións meterolóxicas non acompañen.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
