O Vicedo, 21 de marzo de 2022. A Consellería de Cultura, Educación e Universidade vén de iniciar obras de mellora da eficiencia enerxética e outros traballos de acondicionamento xeral no Colexio de Educación Infantil e Primaria (CEIP) do Vicedo, nos que inviste 232.300 euros.
Así o explicou o delegado territorial da Xunta en Lugo, Javier Arias, quen visitou hoxe o centro escolar para abordar co equipo directivo os detalles do proxecto, que inclúe actuacións no bloque principal e no de infantil.
No primeiro está previsto substituír as carpinterías exteriores das plantas baixa e primeira por unhas de aluminio con rotura de ponte térmico e vidros de dobre acristalamento, baixo emisivos, acústicos e de seguridade e cámara de aire intermedia. Tamén se illará a fachada polo exterior con sistema tipo SATE e se dotará de illamento térmico o forxado de baixo cuberta. Igualmente, mudaranse baixantes e canlóns.
Así mesmo, instalarase falso teito rexistrable nas aulas e cambiarase o sistema de iluminación por outro tipo LED de menor consumo. Pintaranse ademais os paramentos afectados polas obras; renovaranse carpinterías interiores e reformaranse os aseos do alumnado no baixo e no primeiro andar.
No tocante ao bloque de infantil, reformaranse os baños das aulas na planta baixa e substituirase a cuberta no módulo de aseos.
As obras compatibilizaranse co normal desenvolvemento da actividade escolar e en todo caso garantirase a máxima seguridade do alumnado e do persoal que presta os seus servizos no centro. En principio, estímase un prazo de execución de tres meses.
Arias destacou que a Xunta estuda as necesidades das instalacións educativas da provincia de Lugo “e planifica tanto pequenas obras para emendar as deficiencias propias do paso do tempo, como actuacións de maior contía co fin de converter os colexios e institutos en espazos multifuncionais, más sostibles, ventilados e seguros desde o punto de vista sanitario, aplicando os criterios do Plan da Nova Arquitectura Pedagóxica de Galicia”, indicou.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
