Foz, 22 de marzo de 2022. A concelleira de Facenda en Foz, Inés López Couto, manifesta que “a falta de atención do voceiro do PP en Foz provoca que emita xuízos de valor que transmiten informacións erróneas aos veciños do municipio. O Partido Popular decepciona, espallando desinformación, con falta de rigor e respecto aos cidadáns”.
Inés López explica que “esta falta de atención sucede debido á súa pouca dilixencia nos asuntos municipais, xa que non acude no seu labor como concelleiro ás sesións da comisión de asuntos preparatorios do pleno cando é a súa obriga, xa que foi designado polo seu grupo para facelo, e no seu troque teñen que cubrilo os seus compañeiros. Esta desatención aos seus labores fai que envíe notas de prensa apresuradas sen coñecer debidamente os expedientes dos que fala e sen escoitar aos técnicos municipais, que informan sobre os asuntos a tratar nas sesións, ás que non acude. Non debe en ningún caso enganar á poboación pola falta de rigor nas súas afirmacións”.
A edil de Facenda recórdalle ao voceiro do PP que “os concellos non gastan, invisten na mellora das vidas das súas veciñas e veciños. Aforrar nun concello si que é unha política de vergoña. Segundo a teoría do Partido Popular, o anterior equipo de goberno, que deixou caducar a concesión de auga e preparou con ningunha anticipación e menor implicación aínda o prego para a concesión do servizo de abastecemento, deixou o traballo feito, pero ese traballo non tiña en conta o novo servizo de depuración co que contará o concello cando entre en funcionamento a nova depuradora. Iso levou a que os servizos tiveran que modificar os pregos para traballar con perspectiva de futuro e non mirando cara o pasado. En ningún caso é un derroche que a veciñanza conte co servizo de auga nas súas vivendas, polo que cumpriremos cos pagos e defenderemos sempre os intereses da veciñanza”.
López Couto engade que “o que si que non debe volver permitirse é que o Concello non defenda os intereses dos seus veciños no xulgado e non loite porque as condicións sexan o máis xustas, como se fixo”.
En canto aos recoñecementos extraxudiciais, a concelleira explica que “non dependen de ter maiorías ou non; afirmar iso só indica que quere defenderse de anteriores anos nos que o seu goberno superou os 800.000 euros con estes procedementos”. E aclara que “moitas das facturas incluídas neste expediente contaban con crédito axeitado e suficiente nas partidas orzamentarias polo que se pagarán con cargo a elas. Somos autocríticos e buscamos sempre a mellora polo que reforzaremos o servizo de Intervención con dous novos técnicos nos próximos días, para mellorar o traballo e que os expedientes poidan saír de forma máis áxil”.
En canto ao Servizo de Axuda no Fogar, Inés López manifesta que “quen debería explicar por que de novo o deixou caducar é o voceiro do Partido Popular xa que é outro dos contratos que caducou no seu mandato e do que nin sequera foi capaz de abrir un expediente, moito menos de comezar ningún trámite relativo ao mesmo. Se temos que falar de contratación e transparencia só daremos dúas cifras: contratos publicados nesta lexislatura, máis de 130; e durante oito anos de goberno do PP, menos de 10. Iso é rigor e traballo”.
“En conclusión pedimos máis seriedade e traballo cando se trata dos asuntos municipais e menos desinformación aos veciños porque o único que se dana é á propia cidadanía”, finaliza a concelleira de Facenda.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
