Santiago de Compostela, 23 de marzo de 2022. No marco da renovación e dotación do novo equipamento diagnóstico para o Servizo Galego de Saúde, o conselleiro de Sanidade, Julio García Comesaña, destacou hoxe, no Parlamento de Galicia, en resposta a unha pregunta dun dos grupos da Cámara referida á atención sanitaria na Mariña lucense, que o Executivo galego incluirá unha resonancia magnética fixa para o Hospital Público desta comarca e, a tal efecto, está previsto que as actuacións necesarias para a súa instalación se inicien xa neste ano.
Tal e como sinalou o titular da carteira sanitaria, nos últimos anos, os servizos no Hospital da Mariña son máis e mellores, e os investimentos na reforma e ampliación do centro son “a constatación da aposta da Xunta de Galicia por contar cun centro cada vez mellor dotado”.
En canto aos servizos que se foron incorporando nestes anos, o conselleiro destacou o gran paso que supuxo que os pacientes oncolóxicos fosen atendidos integramente na Mariña.
En materia de infraestruturas, a Xunta leva investidos, -remarcou García Comesaña-, 15 millóns de euros neste centro da rede do Sergas para a súa reforma, ampliación e equipamento. Ademais, está xa adxudicado o proxecto para dar comezo a segunda e terceira fase do plan funcional, cun investimento previsto doutros 15 millóns de euros.
No ámbito da atención primaria, o conselleiro destacou que neste nivel asistencial, a Consellería de Sanidade está a tomar numerosas medidas para mellorar a organización e optimizar os recursos, como consecuencia do déficit de profesionais existentes a nivel de todo o Estado.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
