Lugo, 24 de marzo de 2022. O Presidente da Deputación de Lugo, José Tomé Roca, presidiu este xoves a Comisión Política de Política Social do Eixo Atlántico que acolleu a Sala de Xuntas do Pazo de San Marcos. Unha reunión na que tamén participaron o secretario xeral do Eixo Atlántico, Xoán Vázquez Mao; a tenente de Alcalde do Concello de Ribeira, María Sampedro; a Vereadora de Cohesión Social da Cámara Municipal de Braga, Carla Sepúlveda; o Alcalde do Concello de Carballo, Evencio Ferrero; e o Vereador de Gaia e presidente do Grupo de Traballo de Deportes, Guilherme Aguiar, así como Rita Fidalgo, Enma Ben, Roberto San Salvador e Fernando Villatoro, do Eixo Atlántico.
José Tomé Roca, presidente da Comisión de Política Social do Eixo na nova etapa desta entidade transfronteiriza, salientou na intervención coa que abriu a reunión celebrada hoxe que, “se o traballo que desenvolvemos no seo do Eixo Atlántico ten como un dos obxectivos principais garantir e promover a cohesión social e económica do territorio de Galicia e do Norte de Portugal, dende logo, as políticas sociais son unha ferramenta fundamental para avanzar nese equilibrio e nesa cohesión”, con especial relevancia no mundo rural, “sobre todo nun rural galego marcado por un índice de envellecemento elevado e un alto grao de dispersión da poboación, que dificulta o acceso aos servizos públicos”.
Neste sentido, o Presidente subliñou o compromiso da Deputación coas políticas sociais como eixo estratéxico da súa acción de goberno dedicándolles máis dun terzo do total dos Orzamentos provinciais, o que supón, neste ano 2022, máis de 34M€. “Facémolo por dous motivos”, explicou, “porque a Comunidade Autónoma de Galicia non cubre as necesidades que temos na provincia de Lugo, aínda que é a Xunta a que ten as competencias segundo establece o Estatuto de Autonomía e a Lei de Servizos Sociais de Galicia” e porque “estamos convencidos de que, só así, garantimos a calidade de vida dos nosos veciños e veciñas, sobre todo daquelas persoas con máis risco de exclusión”.
Reto demográfico e desenvolvemento rural
Dentro das política sociais, José Tomé puxo en valor o modelo de atención ás persoas maiores que ten en marcha a Deputación de Lugo como instrumento “que converte os desafíos do reto demográfico nunha oportunidade de desenvolvemento para o rural” e que “está xerando moito interese, dentro e fóra de Galicia”. “Xa en dúas ocasións, participamos para expoñelo na Semana Europea das Rexións, o maior evento de política rexional da Unión Europea, e o Goberno de España, a través da Secretaría Xeral para o Reto Demográfico, tamén se interesou pola nosa rede de residencias, precisamente como unha fórmula eficaz para facer fronte ao despoboamento”, asegurou o Presidente.
Explicou que son residencias “cunha xestión 100% pública, nas que aplicamos un modelo asistencial de calidade e centrado nas persoas, non no negocio. Centros de pequeno tamaño, cunha media de 30 usuarios, que son atendidos por unha media de 25 traballadores e traballadoras, polo tanto, practicamente un traballador por usuario. Residencias que favorecen o arraigo porque están situadas no rural, no centro de vilas e de concellos pequenos, e porque no acceso ás prazas teñen prioridade os propios veciños e veciñas deses concellos, da comarca e da provincia”.
Ademais, lembrou, con estes centros de maiores, “estamos creando emprego estable e de calidade no rural, sobre todo feminino, e estamos dinamizando as economías locais, porque promovemos que as residencias se abastezan, de xeito preferente, de produtores e de comercios do entorno”.
O Presidente foi firme ao afirmar que “non existirá un rural baleiro se creamos e se acercamos os servizos públicos ao rural, porque a xente non quere marchar do seu pobo, o que quere é ter servizos públicos que lle permitan seguir vivindo nel”. Neste sentido, tamén lembrou que está a liderar unha proposta para que se destinen fondos europeos á mellora da mobilidade no rural para fixar poboación no territorio e para atraer turismo.
“Estou convencido de que nesta Comisión de Política Social do Eixo Atlántico seguiremos cooperando para sacar adiante accións e medidas que contribúan a seguir avanzando na mellora da cohesión social e económica”. “Dende logo, a cooperación entre territorios veciños, como a que se produce ao amparo do Eixo Atlántico dende hai 30 anos, é unha potente ferramenta para chegar, xuntos, máis lonxe do que seríamos capaces de facer por separado”, subliñou o Presidente.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
