NOTA DE PRENSA
Os dous falsos gardacostas disfrutan de sobresoldo por un exceso horario ao que non están sometidos, teñen coche oficial, teléfono móbil sen restriccions e desenvolven toda clase de funcións reservadas pola lei ao Servizo de Gardacostas
A XUNTA ENTREGOU ILEGALMENTE PLACAS, CARNÉ IDENTIFICATIVO E DISTINTIVOS DE AXENTES DO GARDACOSTAS A DÚAS PERSOAS QUE NON CUMPREN OS REQUISITOS ESIXIDOS
* O Grupo Popular solicita o cesamento inmediato dos falsos axentes e pide que se depuren as responsabilidades oportunas no seo da Consellería de Pesca
Santiago, 07 de novembro de 2008.- O Continúa a cascada de irregularidades cometidas pola Consellería de Pesca. Nesta ocasión, o Grupo Popular denuncia que Consellería de Pesca entregou placas, carnés profesionais e distintivos de axentes do Servizo de Gardacostas de Galicia a dúas persoas que non reúnen os requisitos esixidos pola lei, xa que non pertencen a ningunha das tres escalas dese servizo.
Os falsos axentes do Gardacostas de Galicia son dúas persoas procedentes da Administración do Estado, integradas no corpo de funcionarios de Administración Xeral da Xunta de Galicia. Sen embargo, o decreto que ordena e regula o funcionamento do Servizo de Gardacostas limita expresamente as tarefas dos funcionarios con este perfil ao desenvolvemento de funcións “administrativas e de apoio”, pero nunca operativas, que quedan reservadas, exclusivamente, aos axentes pertencentes ás escalas de Gardacostas.
TAMÉN PERCIBEN GRATIFICACIÓNS
Pese a estar adscritos á Administración do Estado e non pertencer a ningunha das tres escalas do Servizo de Gardacostas, estas dúas persoas portan distintivos e dispoñen de carné profesional emitido pola Consellería de Pesca. Ademais gozan dunha serie de privilexios que a normativa limita exclusivamente aos axentes do Gardacostas, como 10 días libres máis ao ano e un sobresoldo de 600 euros mensuais en concepto de horario especial. Tamén dispoñen de teléfono móbil sen restricións e coche oficial.
O Grupo Popular tamén dispón de evidencias que demostran que, pese ás contraprestacións sinaladas, os dous falsos gardacostas disfrutan do mesmo horario laboral que os demais funcionarios da Xunta e en momento algún están sometidos aos excesos horarios dos verdadeiros axentes.
A maiores, estes falsos gardacostas están a levantar e asinando actas de infracción, comisando vehículos e embarcacións, peixe e marisco, dan ordes operativas e desenvolven toda clase de funcións reservadas aos axentes. Ademais fan uso da condición de axente de autoridade que a lei outorga exclusivamente aos axentes pertencentes ás escalas do Servizo de Gardacostas de Galicia.
O voceiro de Pesca do Grupo Popular, José Manuel Balseiro, considera que estes feitos constitúen “unha mostra do caos que reina na Consellería de Pesca, que chegou a converter en axentes da autoridade aos amigos, nunha situación incrible, surrealista, ilegal e absolutamente intolerable”.
¿ALGUÉN IMAXINA A UN FALSO POLICÍA OU A UN FALSO GARDA CIVIL?
“¿Alguén imaxina a un responsable político outorgando placa, carné e uniforme da Policía, a Garda Civil ou do Servizo de Vixilancia Aduaneira (que, como o Servizo de Gardacostas, teñen a condición de axentes da autoridade) a un funcionario da Seguridade Social, de Patrimonio, de Agricultura, ou de calquera outro departamento da Administración, como vén de suceder na Consellería de Pesca?”, pregunta Balseiro Orol.
Coñecedor de outras irregularidades cometidas por este dous funcionarios, o Grupo Parlamentario Popular ten solicitado o cesamento destas dúas persoas en reiteradas ocasións xa que, ademais, están a ocupar postos de responsabilidade dentro do Servizo de Gardacostas en detrimento dos verdadeiros axentes. Ata o de agora, nos postos de xestión que teñen ocupado, demostraron un absoluto descoñecemento da realidade galega e do traballo cotiá propio do Servizo de Gardacostas.
Con todos estes antecedentes, o Grupo Popular reclama o cesamento inmediato dos dous falsos gardadacostas e reclama a depuración das responsabilidades que procedan no seo da Consellería de Pesca ante a magnitude desta nova irregularidade
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
