Burela, 26 de marzo, 2022. O Pescados Rubén Burela Feminino álzase coa vitoria despois dunha remontada nun partido trepidante ao Poio Pescamar FS. Segue demostrando o seu poderío e peso na liga despois deste resultado de 3-2. Debido ao que non era un partido calquera, xa que se trataba dun derbi irmandiño, os dous equipos saíron con moitísima intensidade demostrando que querían levar os tres puntos.
Tanta era a intensidade que Dani de Sousa abriu o marcador no minuto 2 de partido, tras unha perda atrás en defensa o conxunto laranxa. Durante os próximos minutos, o Burela tentaba buscar o empate con múltiples ocasións. Con todo, no minuto 7 de partido, volve anotar Dani Sousa para poñer o 0-2 no marcador, despois doutro barullo defensivo.
Ás guerreiras ir por detrás do marcador por dobre partida non lles afectou e desde ese momento estivo a buscar a portería rival en aras a reducir a vantaxe. O Poio estaba ben plantado en defensa, e co Burela moi envorcado arriba, tivo as súas ocasións para ampliar a súa vantaxe. O final do segundo tempo resúmese na procura do gol, ata o punto de que Emilly cun zapatazo atopouse co traveseiro. Finalizou a primeira con esa vantaxe do equipo visitante e coas locais tentando reducir distancias.
Comezou a segunda parte coa mesma intensidade, tendo no primeiro minuto unha dobre ocasión clara. No transcurso dos primeiros minutos o Burela segue apertando, coa afección apoiando desde as bancadas. As ocasións por parte das guerreiras chegaban sen descanso e non cedían nin un momento. Xuntaron moitas chegadas á área que non acababan en gol, e Emilly volveu ter outro disparo, nesta ocasión, ao pau. Pasado o ecuador da segunda parte, o Burela empeza co xogo de cinco, e con Vista Alegre motivada, seguían xerando ocasións ata chegar ao minuto 34 onde Irene Samper reduce distancias. Os últimos minutos do encontro foron frenéticos, co Burela na área rival buscando igualar o encontro. No último minuto de partido, Ale de Paz consegue empatar o encontro 2-2 coas bancadas vibrando. Non ía ser a última boa noticia para as guerreiras, pois faltando apenas uns segundos, o equipo local con heroicidade remonta o partido poñendo o definitivo 3-2, novamente con Ale de Paz de protagonista.
Ficha técnica
Pescados Rubén Burela: Sandra, Dany, Ale de Paz, M.Cortés, Irene Samper–cinco inicial- Jozi Oliveira, Cilene, Jenny, Lara Balseiro, Elenita, Bea Mateos, Elena Aragón e Emilly.
Poio Pescamar FS: Caridade, Luci, Ana Rivera, Dani Sousa, Irene-Cinco Inicial- Angela, Luísa, Dupuy, Martita, Agostina, Lucía Paz.
Goles: Min 2: 0-1 Dani Sousa, Min 7 : 0-2 Dani Sousa, Min 34: Irene Samper 1-2 ; Min 39: Ale de Paz 2-2 ; Min 39:40 Ale de Paz 3-2.
Equipo Arbitral: Amor Vizoso, Darriba Villamor-Figueroa Veiga, Dous Santos Mon. Cartón amarelo a Luci do Poio Pescamar FS.
Incidencias: Partido aprazado correspondente á xornada 17 de Primeira División RFEF, disputado no pavillón Vista Alegre de Burela. 400 espectadores.
Estivo arroupado nun salón de actos repleto de xente.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
