CERVO .- “En Cervo vanse levar adiante os saneamentos da Senra, Figueirido e Cervo; e tamén a praza dos Campos de San Ciprián” asegura o goberno municipal de Cervo. Explican que “a construción da praza dos Campos de San Ciprián enmárcase dentro dun convenio firmado entre o Concello e a Consellería de Infraestruturas ao abeiro do Plan Hurbe” e o saneamento de Cervo e Figueirido está comprometido “en papeis oficiais”.
Nota de Prensa
ARMADA CREE QUE AS CRITICAS DA OPOSICIÓN SOBRE A PRAZA DOS CAMPOS SON PROPIAS DE “IGNORANTES POLÍTICOS”
* A representante do Goberno local lembrou que o saneamento de Cervo e Figueirido está comprometido “en papeis oficiais”
* Tamén rexeitou as acusacións de priorizar inversións e recordou que os expertos en baleirar de investimentos a Cervo foron os socialistas na súa etapa no bipartito da Xunta
* “Por moito que lles pese e por moitas pegas que sigan poñendo desde Psoe, en Cervo vanse levar adiante os saneamentos da Senra, Figueirido e Cervo; e tamén a praza dos Campos de San Ciprián”
Cervo, 17 de xullo de 2010.- A concelleira de Medio Ambiente do Concello de Cervo, Pilar Armada, quixo saír hoxe ao paso das acusacións vertidas polos membros da oposición contra o grupo de Goberno local en relación á futura creación dunha praza pública e zona de ocio en San Ciprián.
A edil cervense afirmou rotundamente que as “insidias” vertidas polos representantes do partido socialista “son máis propias de ignorantes políticos ou de intrigantes de medio pelo ca duns representantes públicos”. Neste sentido indicou que “só os idiotas” poden crer que o Concello de Cervo supedite a creación da futura praza dos Campos ao saneamento de Cervo e Figueirido.
Segundo Armada, as criticas socialistas “contéstanse por si soas, porque a diferencia do que eles facían cando tiveron responsabilidades de goberno na Xunta, os compromisos de investimentos para crear a praza de San Ciprián e o saneamento de Cervo-Figueirido están plasmados en papeis oficiais”. A representante cervense recordoulles aos socialistas que o saneamento de Cervo e Figueirido é unha obra adxudicada en xaneiro pasado e que o atraso das obras débese a unha modificación da ubicación da EDAR proposta polos propios técnicos do proxecto. “Trátase, pois, dunha obra consignada economicamente e cuxa adxudicación figura no DOGA e que se fará cumprindo os prazos previstos no prego de condicións” recalcou.
Así mesmo puntualizou que o investimento para a construción da praza dos Campos de San Ciprián enmárcase dentro dun convenio firmado entre o Concello e a Consellería de Infraestruturas ao abeiro do Plan Hurbe, proxecto promovido pola Xunta de Galicia que busca a mellora da calidade dos espazos urbanos e do cal se beneficiarán outros 40 concellos galegos ademais de Cervo. “Por iso non aparece unha consignación orzamentaria específica deste investimento nos orzamentos da Xunta, se non que forma parte dunha actuación xenérica de ámbito autonómico e polo tanto, nada ten que ver unha cousa coa outra. Se o que pretenden estes señores é confundir á opinión pública con acusacións veladas de transvase orzamentario están moi equivocados porque a xente, gracias a Deus, non é tan idiota como eles pensan porque por moito que lles pese e por moitas pegas que sigan poñendo desde Psoe, en Cervo vanse levar adiante os saneamentos da Senra, Figueirido e Cervo; e tamén a praza dos Campos de San Ciprián”.
Os socialistas, expertos en baleirar de investimentos a Cervo
Para o edil do grupo de Goberno local, estas acusacións dos socialistas deixan en evidencia a súa “desesperación” ao comprobar que a actual Xunta de Galicia está a facer un esforzo inversor “que o seu partido político non só nunca fixo cando tivo responsabilidades de Goberno na Xunta, se non que aínda por riba foron responsables de accións semellantes ás que agora nos acusan de facer sen ter ningún tipo de fundamento. E se non, que nos expliquen por que cando gobernaba o bipartito na Xunta decidiron levar o parque de bombeiros comarcal cara a Viveiro, ou rescindir o saneamento de San Ciprián, ou anular a área industrial compartida con Xove no entorno de Alcoa , ou reducir os ingresos de tódolos cervenses mediante unha decisión do Goberno ZP de revisión catastral de determinados solos industriais”.
Por todo isto, a concelleira popular cervense recomendoulles aos socialistas locais “menos maquinacións palaciegas” e animounos a traballar en aras do interese xeral de tódolos veciños do municipio “e non a propagar especulacións e bulos tendenciosos que so buscan tapar a súa nefasta xestión con Cervo cando tiveron a oportunidade de facelo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
