Estes días ven de se facer público un informe de Greenpeace referido á degradación da costa no conxunto do Estado. Na súa décima edición, dito informe analiza e recompila os datos sobre a situación do litoral español. O urbanismo salvaxe, a construción de infraestruturas e a contaminación son, para Greenpeace, a causa do continuado deterioro da costa.
Hai datos máis que alarmantes. En Galiza, o litoral experimentou nesta última década as maiores recualificacións da súa historia. Asturias ocupa o terceiro lugar na destrución da súa costa. A referencia ao Mediterráneo omitímola por obvia. Aínda con sermos unha das comunidades con máis costa protexida, no 2007 había ata 800.000 vivendas proxectadas nos 86 municipios costeiros. Por se fora pouco, ese dato supón, ademais, duplicar as 816.000 casas construídas ata ese ano.
O noso país incorporouse ao proceso urbanizador con certo retraso con respecto ao conxunto do Estado. E fíxoo copiando modelos fracasados no Mediterráneo, e que ademais non respondían á idiosincrasia da nosa orografía nin á nosa maneira de organizarmos o territorio.
Na Mariña lucense este impacto non foi, ata hai ben pouco, tan visíbel como noutras zonas da costa galega. Os ritmos económicos da nosa comarca tamén influíron niso. E por terceira vez semella que queremos seguir tropezando na mesma pedra. Especular con que os inspectores urbanísticos pasaron por aquí, ou non, non ten moito sentido. Quedou ben claro nas declaracións realizadas no xulgado número 1 de Mondoñedo no procedemento de dilixencias previas aberto a partir da denuncia do fiscal provincial por un presunto delito de prevaricación urbanística contra o actual alcalde de Barreiros, Alfonso Fuente Parga e os tres concelleiros da comisión de goberno no ano 2006, así como a arquitecta municipal. Non é ese o xeito de proceder. Os inspectores urbanísticos traballan en base aos expedientes que lles remiten desde os concellos; sacan conclusións e despois proceden, de ser pertinente, á inspección sobre o terreo. Que o PP mariñán nos queira facer crer agora que a denuncia do fiscal é froito dunha trapallada dos inspectores reflicte que é ben certo que fai falta máis talento e menos cemento.
Farruco GRAÑA
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
